Manna Matrimony.Com
Thalikettu.Com
തിരുവനന്തപുരം: കേരളത്തിൽ ഇന്ന് 195 പേര്ക്ക് കോവിഡ് സ്ഥിരീകരിച്ചു. രോഗം ബാധിച്ചവരിൽ 118 പേര് വിദേശ രാജ്യങ്ങളില് നിന്നും 62 പേര് മറ്റ് സംസ്ഥാനങ്ങളില് നിന്നും വന്നതാണ്. കുവൈത്ത്- 62, യുഎഇ- 26, സൗദി അറേബ്യ- 8, ഒമാന്- 8, ഖത്തര്- 6, ബഹ്റൈന്- 5, കസാക്കിസ്ഥാന്- 2, ഈജിപ്ത്ത്- 1 എന്നിങ്ങനേയാണ് വിദേശ രാജ്യങ്ങളില് നിന്നും വന്നവര്. തമിഴ്നാട്- 19, ഡല്ഹി- 13, മഹാരാഷ്ട്ര- 11, കര്ണാടക- 10, ബംഗാള്- 3, മധ്യപ്രദേശ്- 3, തെലങ്കാന- 1, ആന്ധ്രപ്രദേശ്- 1, ജമ്മുകശ്മീര്- 1 എന്നിങ്ങനെയാണ് മറ്റ് സംസ്ഥാനങ്ങളില് നിന്നും വന്നവര്.
15 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. മലപ്പുറം ജില്ലയിലെ 10 പേര്ക്കും, കൊല്ലം ജില്ലയിലെ 2 പേര്ക്കും, എറണാകുളം, തൃശൂര്, കണ്ണൂര് ജില്ലകളിലെ ഒരാള്ക്ക് വീതമാണ് സമ്പര്ക്കത്തിലൂടെ രോഗം ബാധിച്ചത്. ചികിത്സയിലായിരുന്ന 102 പേരുടെ പരിശോധനാഫലം നെഗറ്റീവ് ആയി. 1939 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 2108 പേര് ഇതുവരെ കോവിഡില് നിന്നു മുക്തി നേടി. വിവിധ ജില്ലകളിലായി 1,67,978 പേരാണ് ഇപ്പോള് നിരീക്ഷണത്തിലുള്ളത്. ഇവരില് 1,65,515 പേര് വീട്/ഇന്സ്റ്റിറ്റ്യൂഷണല് ക്വാറന്റീനിലും 2463 പേര് ആശുപത്രികളിലും നിരീക്ഷണത്തിലാണ്. 281 പേരെയാണ് ഇന്ന് ആശുപത്രിയില് പ്രവേശിപ്പിച്ചത്.
പോസിറ്റീവ് ആയവർ, ജില്ല തിരിച്ച്
∙ മലപ്പുറം 47
∙ പാലക്കാട് 25
∙ തൃശൂര് 22
∙ കോട്ടയം 15
∙ എറണാകുളം 14
∙ ആലപ്പുഴ13
∙ കൊല്ലം 12
∙ കണ്ണൂര്, 11
∙ കാസർകോട് 11
∙ കോഴിക്കോട് 8
∙ പത്തനംതിട്ട 6
∙ വയനാട് 5
∙ തിരുവനന്തപുരം 4
∙ ഇടുക്കി 2
നെഗറ്റീവ് ആയവർ, ജില്ല തിരിച്ച്
∙ മലപ്പുറം 22 (പാലക്കാട്-2, ഇടുക്കി-1)
∙ പത്തനംതിട്ട 17
∙ കണ്ണൂര് 15 (പാലക്കാട്-1, തൃശൂര്-1)
∙ കൊല്ലം 14
∙ കോട്ടയം 7
∙ തൃശൂര് 6
∙ ആലപ്പുഴ 5
∙ കാസർകോട് 5
∙ തിരുവനന്തപുരം 4 (ആലപ്പുഴ-1)
∙ ഇടുക്കി 4
∙ പാലക്കാട് 2
∙ എറണാകുളം 1 (കൊല്ലം)
സംസ്ഥാനത്തെ കോവിഡ് പരിശോധന വർധിപ്പിച്ചു. കഴിഞ്ഞ 24 മണിക്കൂറിനിടെ 6166 സാംപിളുകളാണ് പരിശോധിച്ചത്. റുട്ടീന് സാംപിള്, ഓഗ്മെന്റഡ് സാംപിള്, സെന്റിനല് സാംപില്, പൂള്ഡ് സെന്റിനില്, സിബി നാറ്റ്, ട്രൂ നാറ്റ് എന്നിവ ഉള്പ്പെടെ ഇതുവരെ ആകെ 2,15,243 സാംപിളുകളാണ് പരിശോധനയ്ക്കായി അയച്ചത്. ഇതില് 4032 സാംപിളുകളുടെ പരിശോധനാ ഫലം വരാനുണ്ട്. ഇതുകൂടാതെ സെന്റിനല് സര്വൈലന്സിന്റെ ഭാഗമായി ആരോഗ്യ പ്രവര്ത്തകര്, അതിഥി തൊഴിലാളികള്, സാമൂഹിക സമ്പര്ക്കം കൂടുതലുള്ള വ്യക്തികള് മുതലായ മുന്ഗണനാ ഗ്രൂപ്പുകളില് നിന്ന് 44,129 സാംപിളുകള് ശേഖരിച്ചതില് 42,411 സാംപിളുകള് നെഗറ്റീവ് ആയി.
ഇന്ന് ഒരു പുതിയ ഹോട്സ്പോട്ടാണുള്ളത്. പാലക്കാട് ജില്ലയിലെ പറളിയാണ് (കണ്ടെയ്ന്മെന്റ് സോണ്: എല്ലാ വാര്ഡുകളും) പുതിയ ഹോട്സ്പോട്ട്. നാല് പ്രദേശങ്ങളെ കണ്ടെയ്മെന്റ് സോണില് നിന്ന് ഒഴിവാക്കി. പത്തനംതിട്ട ജില്ലയിലെ മല്ലപ്പുഴശ്ശേരി (കണ്ടെയ്ന്മെന്റ് സോണ് വാര്ഡ് 5), മലപ്പുറം ജില്ലയിലെ തെന്നല (1, 2, 3, 4, 5, 6, 10, 12, 13, 14, 15, 16, 17), തൃശൂര് ജില്ലയിലെ ഏങ്ങണ്ടിയൂര് (2, 3, 4, 5, 6), ചാവക്കാട് മുന്സിപ്പാലിറ്റി (3, 4, 8, 19, 20, 29, 30) എന്നിവയെയാണ് ഒഴിവാക്കിയത്. ആകെ 111 ഹോട്സ്പോട്ടുകളാണ് ഉള്ളത്.
