Manna Matrimony.Com
Thalikettu.Com
പാലക്കാട്: യാക്കരയില് ഒരേ സമയം ആറ് വീടുകളില് മോഷണശ്രമം. മോഷ്ടാക്കളുടെ സി.സി.ടിവി ദൃശ്യങ്ങള് പൊലീസിന് ലഭിച്ചു. പ്രതികള് തമിഴ്നാട്ടിലെ തിരുട്ടു ഗ്രാമത്തിലുള്ളവരാണെന്ന് സംശയമുണ്ടെന്ന് പൊലീസ് പറയുന്നു.
പാലക്കാട് നഗരത്തില് തന്നെയാണ് ആക്കര എന്ന പ്രദേശം. ഒരേ സംഘത്തില്പെട്ടവരാണ് ഈ മോഷണശ്രമങ്ങള്ക്ക് പിന്നിലെന്നാണ് പൊലീസ് കരുതുന്നത്. വീടിന്റെ മുന്ഭാഗത്തെ വാതില്തുറക്കാനുള്ള ശ്രമമാണ് സംഘം നടത്തിയത്. ആറു വീട്ടിലും സമാനമായ രീതിയിലായിരുന്നു ശ്രമം. വീടുകളില് നിന്നും ലഭിച്ച സിസിടിവി ദൃശ്യങ്ങളുടെ അടിസ്ഥാനത്തില് പൊലീസ് അന്വേഷണം തുടങ്ങി. നേരത്തെ ആലത്തൂരില് നിന്ന് കുറുവ സംഘത്തില്പെട്ടവരെ പൊലീസ് പിടികൂടിയിരുന്നു.
പാലക്കാട് ആലത്തൂര് ഡി.വൈ.എസ്.പിയുടെ നേതൃത്വത്തിലായിരുന്നു ആലത്തൂരില് നിന്ന് മൂന്ന് പേരെ അറസ്റ്റ് ചെയ്തിരുന്നത്. ഇവരില് നിന്നും സ്വര്ണ്ണാഭരണങ്ങളും പിടിച്ചെടുത്തിരുന്നു. രാത്രി വീടുകളിലെത്തി പണവും സ്വര്ണ്ണാഭരണങ്ങളും കൊള്ളയടിക്കുന്ന സംഘത്തിലെ മൂന്ന് പേരാണ് ആലത്തൂര് പൊലീസിന്റെ പിടിയിലായിരുന്നത്.
