കെഎസ്ഇബി ഓഫിസേഴ്സ് അസോസിയേഷന് സമരം രമ്യമായി പരിഹരിക്കുമെന്ന് വൈദ്യുതി മന്ത്രി കെ കൃഷ്ണന് കുട്ടി. ജീവനക്കാരും ബോര്ഡും തമ്മിലുള്ള ചര്ച്ചയിലൂടെ പരിഹാരം ഉണ്ടാകുമെന്നാണ് പ്രതീക്ഷ. ബോര്ഡ് ചര്ച്ച ചെയ്ത് പരിഹാരം കാണുമെന്നും മന്ത്രിതല ചര്ച്ചയുടെ ആവശ്യമില്ലെന്നും അദ്ദേഹം വ്യക്തമാക്കി. ബോര്ഡ് തലത്തിലുള്ള ചര്ച്ചയ്ക്ക് ശേഷം മാത്രമേ മന്ത്രി ഇടപെടേണ്ടതുള്ളൂവെന്ന് അദ്ദേഹം പറഞ്ഞു. കെഎസ്ഇബി ചെയര്മാന് ബി അശോക് കുമാറുമായുള്ള കൂടിക്കാഴ്ചയ്ക്ക് ശേഷം മാധ്യമങ്ങളോട് പ്രതികരിക്കുകയായിരുന്നു അദ്ദേഹം.
മന്ത്രിയുടെ ഔദ്യോഗിക വസതിയിലായിരുന്നു കെഎസ്ഇബി ചെയര്മാനുമായുള്ള കൂടിക്കാഴ്ച നടന്നത്. ഓഫിസേഴ്സ് അസോസിയേഷന്റെ ആഭിമുഖ്യത്തില് വൈദ്യുതി ഭവന് മുന്നില് അനിശ്ചിതകാല സത്യഗ്രഹവും നിരാഹാര സമരവും തുടരുന്ന സാഹചര്യത്തിലാണ് കൂടിക്കാഴ്ച നടന്നത്.
സംഘടന ഭാരവാഹികളുടെ സസ്പെന്ഷന് പിന്വിലക്കുക, ചെയര്മാന്റെ ഏകാധിപത്യ നടപടികള് അവസാനിപ്പിക്കുക തുടങ്ങിയ ആവശ്യങ്ങള് ഉന്നയിച്ചാണ് സത്യഗ്രഹ സമരം നടക്കുന്നത്. ചെയര്മാന്റെ സമീപനം തിരുത്തിയില്ലെങ്കില് ചട്ടപ്പടി സമരത്തിലേക്ക് നീങ്ങേണ്ടി വരുമെന്ന മുന്നറിയിപ്പും ഓഫിസേഴ്സ് അസോസിയേഷന് നല്കിയിട്ടുണ്ട്
ഇതിനിടെ കെഎസിഇബി തര്ത്തക്കത്തില് ചെയര്മാന് പിന്തുണയുമായി ഐഎഎസ് അസോസിയേഷന് മുഖ്യമന്ത്രിക്ക് കത്തുനല്കി. തൊഴിലാളി സംഘടനകള് ഉദ്യോഗസ്ഥരുടെ മനോവീര്യം തകര്ക്കുന്നു. മികച്ച രീതിയില് പ്രവര്ത്തിക്കാനുള്ള സാഹചര്യം മുഖ്യമന്ത്രി ഒരുക്കണമെന്നും കത്തില് പറയുന്നു.