കോട്ടയം: ലൈംഗിക ആരോപണങ്ങളെ തുടര്ന്ന് വൈദികര്ക്കെതിരെ നടപടിയെടുത്ത് ഓര്ത്തഡോക്സ് സഭ. മൂന്ന് വൈദികരെ ആത്മീയ ചുമതലകളില് നിന്ന് പുറത്താക്കി. കോട്ടയം ഭദ്രാസനത്തിന് കീഴിലെ 3 വൈദികര്ക്കെതിരെയാണ് നടപടി.
വൈദികര്ക്കെതിരെ തുടര്ച്ചയായി ലൈംഗീക ആരോപണങ്ങള് ഉണ്ടായതോടെയാണ് മലങ്കര ഓര്ത്തഡോക്സ് സഭയുടെ അച്ചടക്ക നടപടി. കോട്ടയം കുഴിമറ്റത്ത് അവിഹിതബന്ധവും പണമിടപാടും ആരോപിച്ച് വീട്ടമ്മയുടെ ഭര്ത്താവ് നല്കിയ പരാതി കണക്കിലെടുത്താണ് നടപടി. പരാതിയെ തുടര്ന്ന് രണ്ട് വര്ഷം മുന്പ് വീട്ടമ്മ ആത്മഹത്യ ചെയ്തിരുന്നു. സംഭവത്തില് പൊലീസ് അന്വേഷണം നടക്കുകയാണ്. അനാശാസ്യ ആരോപണങ്ങളെത്തുടര്ന്ന് മുന്പ് വികാരിസ്ഥാനത്ത് നിന്ന് മാറ്റിനിര്ത്തിയിരുന്ന വൈദികനെയാണ് ചുമതലകളില്നിന്ന് ഒഴിവാക്കിയത്.
മുൻപ് ആരോപണങ്ങള് നേരിട്ട് വൈദികരെയും ആത്മീയ ചുമതലകളില് നിന്ന് മാറ്റി നിര്ത്താന് സഭാ നേതൃത്വം തീരുമാനിക്കുകയായിരുന്നു. സഭാ എപ്പിസ്കോപ്പല് സുന്നഹദോസ് സെക്രട്ടറി ഡോ. യൂഹാനോന് മാര് ദിയസ്കോറോസ് മെത്രാപ്പൊലീത്തയാണ് അച്ചടക്ക നടപടിയെടുത്തത്. ഭദ്രാസന കൗണ്സില് നിയോഗിക്കുന്ന അന്വേഷണ കമ്മീഷന്റെ നിര്ദേശ പ്രകാരമാകും വൈദികര്ക്കെതിരായ തുടര് നടപടികള്. ആരോപണം നേരിട്ട വൈദികർക്കെതിരെ അച്ചടക്ക നടപടി എടുത്ത സഭയുടെ നടപടി പ്രശസ്തനാർഹം ആണെന്നാണ് വിശ്വാസികളിൽ ഭൂരിഭാഗവും പറയുന്നത്.