Manna Matrimony.Com
Thalikettu.Com
തിരുവനന്തപുരം : ബുധനാഴ്ച സംസ്ഥാനത്ത് 903 പേര്ക്ക് കോവിഡ്-19 സ്ഥിരീകരിച്ചതായി ആരോഗ്യ മന്ത്രി കെ.കെ. ശൈലജ അറിയിച്ചു. രോഗം സ്ഥിരീകരിച്ചവരില് 90 പേര് വിദേശ രാജ്യങ്ങളില് നിന്നും 71 പേര് മറ്റ് സംസ്ഥാനങ്ങളില് നിന്നും വന്നതാണ്. 706 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. ഇതില് 35 പേരുടെ സമ്പര്ക്ക ഉറവിടം വ്യക്തമല്ല.
30 ആരോഗ്യ പ്രവര്ത്തകര്ക്കും രോഗം ബാധിച്ചു. തിരുവനന്തപുരം, കണ്ണൂര് ജില്ലകളിലെ 10 വീതവും, എറണാകുളം ജില്ലയിലെ 6, കൊല്ലം, പത്തനംതിട്ട, കോഴിക്കോട്, കാസർകോട് ജില്ലകളിലെ ഒന്നും വീതം ആരോഗ്യ പ്രവര്ത്തകര്ക്കാണ് രോഗം സ്ഥിരീകരിച്ചത്. തൃശൂര് ജില്ലയിലെ രണ്ട് കെഎസ്ഇ ജീവനക്കാര്ക്കും, 1 കെഎല്എഫ് ജീവനക്കാര്ക്കും രോഗം ബാധിച്ചു.
കോവിഡ് 19 സ്ഥിരീകരിച്ച് മലപ്പുറം ജില്ലയില് ചികിത്സയിലായിരുന്ന കുട്ടി ഹസന് (67) മരണമടഞ്ഞു. ഇതോടെ 68 മരണമാണ് ഉണ്ടായത്.
10,350 പേരാണ് രോഗം സ്ഥിരീകരിച്ച് സംസ്ഥാനത്ത് ചികിത്സയിലുള്ളത്. 11,369 പേര് ഇതുവരെ കോവിഡില് നിന്നും മുക്തി നേടി. സംസ്ഥാനത്തെ വിവിധ ജില്ലകളിലായി 1,47,132 പേരാണ് ഇപ്പോള് നിരീക്ഷണത്തിൽ. ഇവരില് 1,37,075 പേര് വീട്/ഇന്സ്റ്റിറ്റിയൂഷനല് ക്വാറന്റൈനിലും 10,057 പേര് ആശുപത്രികളിലും നിരീക്ഷണത്തിലാണ്. 1475 പേരെയാണ് ബുധനാഴ്ച ആശുപത്രിയില് പ്രവേശിപ്പിച്ചത്.
24 മണിക്കൂറിനിടെ 23,924 സാംപിളുകളാണ് പരിശോധിച്ചത്. റുട്ടീന് സാംപിള്, എയര്പോര്ട്ട് സർവൈലന്സ്, പൂള്ഡ് സെന്റിനല്, സിബി നാറ്റ്, ട്രൂനാറ്റ്, സിഎല്ഐഎ, ആന്റിജെന് അസ്സെ എന്നിവ ഉള്പ്പെടെ ഇതുവരെ ആകെ 7,33,413 സാംപിളുകളാണ് പരിശോധനയ്ക്കായി അയച്ചത്. ഇതില് 7037 സാംപിളുകളുടെ പരിശോധനാ ഫലം വരാനുണ്ട്. സെന്റിനല് സര്വൈലന്സിന്റെ ഭാഗമായി ആരോഗ്യ പ്രവര്ത്തകര്, അതിഥി തൊഴിലാളികള്, സാമൂഹിക സമ്പര്ക്കം കൂടുതലുള്ള വ്യക്തികള് മുതലായ മുന്ഗണനാ ഗ്രൂപ്പുകളില് നിന്ന് 1,19,019 സാംപിളുകള് ശേഖരിച്ചതില് 1,14,666 സാംപിളുകള് നെഗറ്റീവ് ആയി.
പുതിയ 19 ഹോട്സ്പോട്ട്
∙ പത്തനംതിട്ട ജില്ലയിലെ കോട്ടങ്ങല് (കണ്ടൈന്മെന്റ് സോണ്: വാര്ഡ് 5, 6, 7 ,8, 9), കോയ്പ്പുറം (17), എഴുമറ്റൂര് (1), മലയപ്പുഴ (12), വെച്ചൂച്ചിറ (11), കുന്നന്താനം (11)
∙ എറണാകുളം ജില്ലയിലെ കുന്നത്തുനാട് (2, 3, 12), മാറടി (4), പിണ്ടിമന (8), വരപ്പെട്ടി (8), പള്ളിപ്പുറം (5),
∙ തൃശൂര് ജില്ലയിലെ കുന്ദംകുളം മുന്സിപ്പാലിറ്റി (21), ചാഴൂര് (3)
∙ കോട്ടയം ജില്ലയിലെ നീണ്ടൂര് (8), കാണക്കാരി (10)
∙ കോഴിക്കോട് ജില്ലയിലെ കൊടുവള്ളി മുന്സിപ്പാലിറ്റി (15, 25, 28, 29, 30), ചേറോട് (4, 10, 12, 20)
∙ ആലപ്പുഴ ജില്ലയിലെ വിയപുരം (9), ചെറിയനാട് (8) എന്നിവയാണ് പുതിയ ഹോട്സ്പോട്ടുകള്.
13 പ്രദേശങ്ങൾ ഹോട്സ്പോട്ടില് നിന്നും ഒഴിവാക്കി
∙ എറണാകുളം ജില്ലയിലെ മുളവുകാട് (വാര്ഡ് 3), പിറവം മുന്സിപ്പാലിറ്റി (17), പൈങ്ങോട്ടൂര് (5), രായമംഗലം (13, 14), പല്ലാരിമംഗലം (9), മുളന്തുരുത്തി (7)
∙ ആലപ്പുഴ ജില്ലയിലെ തൈക്കാട്ടുശേരി (എല്ലാ വാര്ഡുകളും), പെരുംപാലം (എല്ലാ വാര്ഡുകളും), കഞ്ഞിക്കുഴി (എല്ലാ വാര്ഡുകളും), പനവള്ളി (എല്ലാ വാര്ഡുകളും)
∙ പത്തനംതിട്ട ജില്ലയിലെ ചെന്നീര്ക്കര (4), നാരങ്ങാനം (4), കോഴിക്കോട് ജില്ലയിലെ ചെങ്ങോട്ടുകാവ് (17) എന്നീ പ്രദേശങ്ങളേയാണ് കണ്ടൈന്മെന്റ് സോണില് നിന്നും ഒഴിവാക്കിയത്.
നിലവില് ആകെ 492 ഹോട്ട് സ്പോട്ടുകളാണ് ഉള്ളത്.
