സയനൈഡ് ജോളി ഇനി കുപ്പിച്ചില്ല് ജോളി ? കൂടത്തായി സീരിയൽ കൊലക്കേസിലെ പ്രതി ജോളി ആത്മഹത്യയ്ക്ക് ശ്രമിച്ചു. കുപ്പിച്ചില്ല് കൊണ്ട് കൈഞരമ്പ് മുറിച്ചായിരുന്നു ആത്മഹത്യാ ശ്രമമെന്ന് സൂചന.

കോഴിക്കോട്: കൂടത്തായി സീരിയൽ കൊലക്കേസിലെ പ്രതി ജോളി ആത്മഹത്യയ്ക്ക് ശ്രമിച്ചു. കൈഞരമ്പ് മുറിച്ചായിരുന്നു ആത്മഹത്യാ ശ്രമം. രാവിലെ നാല് മണിയോടെ ജോളിയെ ആശുപത്രിയിൽ പ്രവേശിപ്പിച്ചു. കൈ ഞരമ്പ് മുറിച്ച് ആത്മഹത്യക്ക് ശ്രമിച്ച ജോളിയെ കോഴിക്കോട് മെഡിക്കൽ കോളേജിലേക്ക് മാറ്റി.

പുലർച്ചെയാണ് സംഭവം. രക്തം വാർന്ന നിലയിൽ കണ്ട ജോളിയെ ജയിൽ അധികൃതർ തന്നെ മെഡിക്കൽ കോളേജിലേക്ക് മാറ്റുകയായിരുന്നു. ഈ കേസിൽ അറസ്റ്റ് ചെയ്യപ്പെട്ട ഘട്ടത്തിലും ജോളി ആത്മഹത്യ പ്രവണത കാണിച്ചിരുന്നു. ഇത് കണക്കിലെടുത്ത് മെഡിക്കൽ കോളേജിലെ കൗൺസിലർമാരുടെ സേവനവും തേടിയിരുന്നു. ഞരമ്പ് മുറിക്കാൻ ഉപയോഗിച്ച മൂർച്ചയുള്ള വസ്തു ജോളിയുടെ കൈവശമെത്തിയത് എങ്ങനെയെന്നും പൊലീസ് അന്വേഷിക്കുന്നുണ്ട്. ചില്ല് ഉപയോഗിച്ചാണ് ഞരമ്പ് മുറിച്ചതെന്നും സൂചനയുണ്ട്.