Manna Matrimony.Com
Thalikettu.Com
വയനാട്ടിലെ രാഹുല് ഗാന്ധിയുടെ ഓഫീസ് എസ്എഫ്ഐ പ്രവര്ത്തകര് അടിച്ച് തകര്ത്ത സംഭവം സിപിഎമ്മിന്റെ ഉന്നത നേതൃത്വത്തിന്റെ അറിവോടെയെന്നു കോണ്ഗ്രസ് നേതാവ് രമേശ് ചെന്നിത്തല. പോലീസ് നോക്കി നില്ക്കെയാണു സംഭവം നടന്നത്. ഇത് വളരെ ഗൗരവമേറിയതാണ്. സിപിഎം തീക്കൊള്ളികൊണ്ട് തല ചൊറിയരുത്.
മുഖ്യമന്ത്രിക്കെതിരെ വിമാനത്തില് സമാധാനപരമായി പ്രതിഷേധിച്ചവരെ കായികമായി നേരിട്ടത് ഇ പി ജയരാജനാണ്. എന്നിട്ട് പ്രവര്ത്തകര്ക്കെതിരെ വധശ്രമത്തിനു കേസ് എടുത്ത സര്ക്കാരിന്റെ വാദം തള്ളിക്കൊണ്ടാണു കഴിഞ്ഞ ദിവസം ഹൈക്കോടതി പ്രവര്ത്തകര്ക്ക് ജാമ്യം നല്കിയത്. ആ നാണക്കേട് മറയ്ക്കാനാണ് രാഹുല് ഗാന്ധിയുടെ ഓഫീസ് അടിച്ച് തകര്ത്തതെന്നും, ആക്രമിച്ച പ്രവര്ത്തകരെ ഗുണ്ടകളെന്ന് വിമര്ശിച്ച് ചെന്നിത്തല പറഞ്ഞു.
ഇതിനെല്ലാം സംസ്ഥാനത്തെ ക്രമസമാധാനം നിലനിര്ത്തേണ്ട പോലീസിലെ ഒരു വിഭാഗം കണ്ണടച്ചു കൊടുക്കുന്നത് അംഗീകരിക്കാന് കഴിയില്ലെന്ന് മുന് പ്രതിപക്ഷ നേതാവ് വ്യക്തമാക്കി. സംഭവത്തെ ശക്തമായി അപലപിക്കുന്നു. കുറ്റക്കാരായവരെ നിയമത്തിനു മുന്നില് കൊണ്ടുവരുന്നതിനൊപ്പം വീഴ്ച വരുത്തിയ പൊലീസ് ഉദ്യോഗസ്ഥര്ക്കെതിരെ നടപടി എടുക്കണമെന്നും ചെന്നിത്തല ആവശ്യപ്പെട്ടു.
കേരളത്തില് സമ്പൂര്ണ്ണ അരാജകത്വമാണെന്ന് യൂത്ത് കോണ്ഗ്രസ് ആരോപിച്ചു. കേരളത്തിലെ ഇടതു രാഷ്ട്രീയത്തിന്റെ തീവ്ര സ്വഭാവം ഇതോടെ വെളിവായി. കേരള സര്ക്കാര് എന്തുകൊണ്ട് ഗുണ്ടായിസം പ്രോത്സാഹിപ്പിക്കുന്നു. ഗുണ്ടകളെ ജയിലില് അടയ്ക്കണം എന്നും യൂത്ത് കോണ്ഗ്രസ് ആവശ്യപ്പെട്ടു.
ബഫര്സോണ് ഉത്തരവില് രാഹുല് ഗാന്ധി ഇടപെടുന്നില്ലെന്ന് ആരോപിച്ചായിരുന്നു എസ്എഫ്ഐയുടെ അതിക്രമം. ഓഫീസിലേക്ക് പ്രവര്ത്തകര് തള്ളിക്കയറി സാധനങ്ങള് അടിച്ചു തകര്ത്തു. പ്രവര്ത്തകര് ഓഫീസിലേക്ക് തള്ളി കയറിയതോടെ പൊലീസ് ലാത്തിവീശി. എസ്പി ഓഫീസിന് മുന്നില് സംഘര്ഷാവസ്ഥ നിലനില്ക്കുകയാണ്.
എംപിയുടെ ഓഫീസിന്റെ ഷട്ടറുകള്ക്ക് കേടുപാടുണ്ട്. രാഹുല് ഗാന്ധിയുടെ ഓഫീസ് സ്റ്റാഫ് അഗസ്റ്റിന് പുല്പ്പള്ളിയെ മര്ദ്ദിച്ചതായി കോണ്ഗ്രസ് ആരോപിച്ചു. എസ്എഫ്ഐ പ്രവര്ത്തകരെ പറഞ്ഞയച്ചത് സിപിഎം ആണെന്നാണ് ഡിസിസി പ്രസിഡന്റിന്റെ ആരോപണം. ആക്രമണത്തിന് പൊലീസ് ഒത്താശയുണ്ടെന്നും കോണ്ഗ്രസ് ആരോപിച്ചു. രാഹുല് ഗാന്ധിയുടെ ഓഫീസ് എസ്എഫ്ഐ പ്രവര്ത്തകര് ആക്രമിച്ച സംഭവത്തില് മുഖ്യമന്ത്രി മറുപടി പറയണമെന്ന് എഐസിസി ജനറല് സെക്രട്ടറി കെ സി വേണുഗോപാല് ആവശ്യപ്പെട്ടു.
