കുവൈറ്റ് നായർ സർവീസ് സൊസൈറ്റിയുടെ നേതൃത്വത്തിൽ മന്നം ജയന്തി ആഘോഷങ്ങൾ വെള്ളിയാഴ്ച നടക്കും. ചടങ്ങിന് മാറ്റ് കൂട്ടുവാൻ കലാ വിരുന്നും നടക്കും

കുവൈറ്റ്: നായർ സർവീസ് സൊസൈറ്റി കുവൈറ്റിന്റെ മന്നം ജയന്തി ആഘോഷങ്ങൾ 2020 ഫെബ്രുവരി 14 വെള്ളിയാഴ്ച വൈകിട്ട് 4 മണിക്ക് SABAH AL SALEM, KHALIDIYA UNIVERSITY ഹാളിൽ വച്ച് നടക്കും.

കേരള ഗവണ്മെന്റ് പ്രിൻസിപ്പൽ സെക്രട്ടറി ഡോക്ടർ രാജു നാരായണ സ്വാമി വിശിഷ്ട അതിഥിയായി പങ്കെടുക്കും. ലോകപ്രശസ്ത മൃദംഗ വിദ്വാനും 5 ഗിന്നസ് റെക്കോർഡ്കളോടെ കലാരംഗത്തു ശോഭിക്കുന്ന ഡോക്ടർ കുഴൽമന്ദം രാമകൃഷ്ണന്റെ നേതൃത്വത്തിൽ നടത്തുന്ന Mridu Tharang Fusion & Melodies എന്ന സംഗീത നിശയിൽ പിന്നണി ഗായകൻ ശ്രീനാഥ്, പിന്നണിഗായിക പാർവതി മേനോൻ,അഷ്ടപദി & ഇടക്ക ജ്യോതിദാസ് വയലിനിസ്റ്റ് ആദർശ്, കീബോർഡ് ബാബു,ഓടകുഴൽ ശ്രീഹരി,റിഥം പാഡ് കണ്ണൻ തുടങ്ങിയ പ്രമുഖ കലാകാരൻമാർ അണിനിരക്കും

ഫ്ലവേർസ് TV കോമഡി ഉത്സവം ഫെയിം സതീഷ് പാലക്കാട് അവതരിപ്പിക്കുന്ന മിമിക്രിയും ചടങ്ങിന് മാറ്റു കൂട്ടും. മത്സര പരീക്ഷകളിൽ ഉന്നത വിജയം കരസ്ഥമാക്കിയ കുട്ടികളെ മന്നം ജയന്തി പുരസ്കാരവും സ്വർണ്ണ മെഡലും നൽകി തദവസരത്തിൽ ആദരിക്കുന്നതാണ്. വിതരണം ചെയ്തിരുന്ന പ്രവേശനപാസ്സുകൾ പ്രസ്‌തുത പരിപാടിക്ക് ഉപയോഗിക്കാവുന്നതാണ്.

പഠനക്ലാസ്

നായർ സർവീസ് സൊസൈറ്റി കുവൈറ്റ് വ്യക്തിത്വ വികസനവും ഉന്നത വിദ്യാഭ്യസത്തിലെ പുതിയ അവസരങ്ങളും എന്നവിഷയത്തിൽ Dr രാജു നാരായണസ്വാമി IAS നയിക്കുന്ന പഠന ക്ലാസ് സംഘടിപ്പിക്കുന്നു.

2020 ഫെബ്രുവരി 15 നു 2 P M നു അബ്ബാസിയ സ്മാർട്ട് ഇന്ത്യൻ സ്‌കൂൾ ഓഡിറ്റോറിയത്തിൽ നടത്തുന്ന പരിപാടിയിൽ പ്രസ്തുത വിഷയത്തിൽ താല്പര്യമുള്ള പ്രവാസികളായ എല്ലാ രക്ഷിതാക്കളും കുട്ടികളോടൊപ്പം പങ്കെടുക്കണമെന്നും ഉന്നത വിദ്യാഭ്യസത്തിലെ പുത്തൻപ്രവണതകളും സാധ്യതകളും മനസിലാക്കാനുള്ള ഈ അവസരം വിനിയോഗിക്കണമെന്നും എൻ എസ് എസ് കുവൈറ്റിന് വേണ്ടി ജനറൽ സെക്രട്ടറി സജിത്ത് സി നായർ അറിയിച്ചു.