കോട്ടയം മാങ്ങാനത്തു ബൈക്ക് പത്തടി താഴ്ചയുള്ള ഓടയിലേക്കു മറിഞ്ഞു. യുവാവിന് ഗുരുതര പരിക്ക്.

മാങ്ങാനം : അതി വേഗതയിൽ എത്തിയ ബൈക്ക് റോഡിൽ നിന്നും തെന്നി മാറി പത്തടി താഴ്ചയുള്ള ഓടയിലേക്കു മറിഞ്ഞു യുവാവിന് ഗുരുതര പരിക്ക്. മാങ്ങാനം കുരിശു ജക്ഷന് അടുത്ത് സെന്റ് പീറ്റേഴ്‌സ് മാർത്തോമാ പള്ളിക്കു സമീപമുള്ള ഓടയിലേക്കാണ് സ്‌കൂട്ടർ പതിച്ചത്. ഇന്ന് (22/01/2020 ) രാത്രി 7.30 മണിയോടെയായിരുന്നു അപകടം.

റോഡിൽ തെറിച്ചു വീണ യുവാവ് രക്തം വാർന്ന് കിടക്കുന്നതു ദൃക്‌സാക്ഷികൾ കഞ്ഞിക്കുഴിയിൽ പട്രോളിംഗ് ഡ്യൂട്ടിയിൽ ഉണ്ടായിരുന്ന പോലീസിനെ അറിയിക്കുകയും. പോലീസ് പെട്ടെന്ന് തന്നെ സംഭവ സ്ഥലത്തു എത്തി യുവാവിനെ ജില്ലാ ആശുപത്രിയിലേക്ക് മാറ്റുകയും ചെയ്തു.

പത്തടിക്കു മുകളിൽ താഴ്ചയുള്ള ഓടയുടെ മുകളിൽ ബൈക്ക് തട്ടി നിന്നതു മൂലം, കൂടുതൽ ആഴങ്ങളിലേക്ക് പതിച്ചില്ല. ഇത് ദുരന്തത്തിന്റെ വ്യാപ്തി കുറച്ചു.

ഗുരുതരമായി പരിക്കേറ്റ യുവാവ് ആരാണെന്നു തിരിച്ചറിഞ്ഞിട്ടില്ല. പ്രദീപ് കുമാർ എന്നയാളുടെ പേരിലുള്ള KL – 05 AT 7021 എന്ന ഹീറോ സ്‌കൂട്ടർ ആണ് അപകടത്തിൽ പെട്ടത്.