Manna Matrimony.Com
Thalikettu.Com
കൊവിഡ് വ്യാപനം രൂക്ഷമായ പശ്ചാത്തലത്തില് തിരുവനന്തപുരത്ത് കൂടുതല് നിയന്ത്രണം ഏര്പ്പെടുത്തി. ജില്ലയില് പൊതുയോഗങ്ങളും ഒത്തുചേരലുകളും നിരോധിച്ചു. വിവാഹ, മരണാന്തര ചടങ്ങുകള്ക്ക് 50 പേര്ക്ക് മാത്രം അനുമതി. നേരത്തെ നിശ്ചയിച്ച യോഗങ്ങളും മാറ്റിവയ്ക്കണമെന്ന് സംഘാടകര്ക്ക് നിര്ദേശം നല്കി. തിരുവനന്തപുരം ജില്ലയില് കര്ശന നിരീക്ഷണത്തിന് സിറ്റി, റൂറല് ജില്ലാ പൊലീസ് മേധാവിമാര്ക്ക് ജില്ലാ കളക്ടര് നിര്ദേശം നല്കി.
ജില്ലയിലെ സര്ക്കാര്, അര്ധ സര്ക്കാര്, പൊതുമേഖലാ സ്ഥാപനങ്ങള്, സഹകരണ സ്ഥാപനങ്ങള് എന്നിവിടങ്ങളിലേതുള്പ്പെടെ എല്ലാ ഔദ്യോഗിക പരിപാടികളും ചടങ്ങുകളും ഓണ്ലൈന് ആയി നടത്തണം. മാളുകളിലും വ്യാപാര സ്ഥാപനങ്ങളിലും ജനത്തിരക്ക് അനുവദിക്കില്ല. വ്യാപാര സ്ഥാപനങ്ങളില് 25 സ്ക്വയര് ഫീറ്റിന് ഒരാളെന്ന നിലയില് നിശ്ചയിച്ച് മാത്രമേ ആളുകളെ പ്രവേശിപ്പിക്കാന് പാടുള്ളൂ.
വിദ്യാഭ്യാസ സ്ഥാപനങ്ങളില് ക്ലസ്റ്ററുകള് രൂപപ്പെട്ടാല് 15 ദിവസത്തേക്ക് സ്ഥാപനങ്ങള് അടച്ചിടണമെന്നും വിവരം പ്രിന്സിപ്പല്/ ഹെഡ്മാസ്റ്റര്മാര് ബന്ധപ്പെട്ട പ്രദേശത്തെ മെഡിക്കല് ഓഫീസറെ അറിയിക്കണമെന്നും ഉത്തരവില് പറയുന്നു.
