പൊലീസ് ജീപ്പ് കണ്ട് ഭയന്നോടിയ ആള്‍ ആറ്റില്‍ വീണ് മരിച്ചു

കൊല്ലം: പൊലീസ് ജീപ്പ് കണ്ട് ഭയന്നോടിയ ആളെ ആറ്റില്‍ മരിച്ച നിലയില്‍ കണ്ടെത്തി. കൊല്ലം തിനവിള, ലക്ഷം വീട്ടില്‍ വിക്രമന്‍ (51) ആണ് മരിച്ചത്.

ഇന്ന് ഉച്ചയ്ക്ക് രണ്ടുമണിയോടെയായിരുന്നു സംഭവം. വിക്രമനും കൂട്ടുകാരും ചേര്‍ന്ന് ചീട്ടു കളിക്കുന്നതിനിടെ മറ്റൊരു കേസ് അന്വേഷിക്കാന്‍ എത്തിയ പൊലീസുകാരെ കണ്ട് ഭയന്ന് ഓടുകയായിരുന്നു.

ഇതിനിടെ ആറ്റിലേക്ക് വീഴുകയായിരുന്നുവെന്ന് നാട്ടുകാർ പറഞ്ഞു.