Manna Matrimony.Com
Thalikettu.Com
ഇന്ത്യന് യൂത്ത് കോണ്ഗ്രസിന്റെ ചിന്തന് ഷിവിറില് പങ്കെടുത്ത് സംസാരിച്ച നടനും സംവിധായകനുമായ ബേസില് ജോസഫിനെ അഭിനന്ദിച്ച് കെപിസിസി പ്രസിഡന്റ് കെ സുധാകരന്. അവാര്ഡുകളോടുള്ള അടങ്ങാത്ത മോഹം പലരെയും അഭിനവ സിപിഎം അനുകൂലികള് ആക്കുന്ന ഇക്കാലത്ത്, കോണ്ഗ്രസിന്റെ ക്യാംപുകളില് ജനങ്ങളോട് സംസാരിക്കാന് സിനിമയിലെ യുവാക്കള് മുന്നോട്ട് വരുന്നത് നാടിന് ശുഭസൂചകമാണെന്ന് കെ സുധാകരന് പറഞ്ഞു.
അടിമകളെ സൃഷ്ടിച്ച് സ്വന്തം ആവശ്യങ്ങള്ക്ക് ന്യായീകരണ തൊഴിലാളികളാക്കി മാറ്റുന്ന രീതി കോണ്ഗ്രസിനില്ലെന്നും വ്യക്തികളെ സ്വതന്ത്രമായി ചിന്തിക്കാന് പ്രേരിപ്പിക്കുന്ന പ്രത്യയശാസ്ത്രമാണ് കോണ്ഗ്രസിന്റേതെന്നും സുധാകരന് പറഞ്ഞു. ഫേസ്ബുക്കിലായിരുന്നു അദ്ദേഹത്തിന്റെ പ്രതികരണം. കോണ്ഗ്രസ് വേദിയില് സംസാരിക്കുന്ന ബേസില് ജോസഫിന്റെ ചിത്രത്തോടൊപ്പമാണ് സുധാകരന്റെ പോസ്റ്റ്.
കെ സുധാകരന്റെ ഫേസ്ബുക്ക് പോസ്റ്റ്:
സിനിമ രംഗത്തെ യുവതുര്ക്കികളെ കോണ്ഗ്രസ്സിന്റെ വേദികളില് കാണുന്നത് ഏറെ സന്തോഷകരമാണ്. അവാര്ഡുകളോടുള്ള അടങ്ങാത്ത മോഹം പലരെയും അഭിനവ സിപിഎം അനുകൂലികള് ആക്കുന്ന ഇക്കാലത്ത്, കോണ്ഗ്രസിന്റെ ക്യാംപുകളില് ജനങ്ങളോട് സംസാരിക്കാന് സിനിമയിലെ യുവാക്കള് മുന്നോട്ട് വരുന്നത് നാടിന് ശുഭസൂചകമാണ്.
മേശപ്പുറത്ത് അവാര്ഡ് വെച്ചിട്ട്, എടുത്തോ എന്നു പറഞ്ഞ് മാറിനിന്ന് സിനിമ പ്രവര്ത്തകരെ അപമാനിച്ച പിണറായി വിജയന്റെ ശൈലിയല്ല കോണ്ഗ്രസിനുള്ളത്. അടിമകളെ സൃഷ്ടിച്ച് സ്വന്തം ആവശ്യങ്ങള്ക്ക് ന്യായീകരണ തൊഴിലാളികളാക്കി മാറ്റുന്ന രീതിയും ഞങ്ങള്ക്കില്ല.
ഓരോ വ്യക്തിയെയും സ്വതന്ത്രമായി ചിന്തിക്കാനും വളരാനും പരസ്പര സ്നേഹത്തോടെ മുന്നേറാനും പഠിപ്പിക്കുന്ന പ്രത്യയശാസ്ത്രമാണ് കോണ്ഗ്രസ്സിന്റേത്. അത് മുറുകെ പിടിക്കേണ്ടത് നാടിന്റെ ആവശ്യമാണ്. ഇന്ത്യന് യൂത്ത് കോണ്ഗ്രസ്സിന്റെ ചിന്തന് ഷിവിറില് പങ്കെടുത്ത് സംസാരിച്ച യുവ സംവിധായകന് ബേസില് ജോസഫിന് അഭിവാദ്യങ്ങള്.
