Manna Matrimony.Com
Thalikettu.Com
ശബരിമല: ഭക്തലക്ഷങ്ങള്ക്ക് ദര്ശന പുണ്യമേകി പൊന്നമ്പലമേട്ടില് മകരജ്യോതി തെളിഞ്ഞു. പന്തളം വലിയകോയിക്കല് കൊട്ടാരത്തില് നിന്നെത്തിച്ച തിരുവാഭരണം ചാര്ത്തി അയ്യപ്പന് ദീപാരാധന നടന്നതിനു പിന്നാലെ നാണ് പൊന്നമ്പലമേട്ടില് മകരവിളക്ക് തെളിഞ്ഞത്.
സന്നിധാനത്തിനു പുറമേ, പുല്ലുമേട്, പാണ്ടിത്താവളം, മരക്കൂട്ടം, പമ്പ തുടങ്ങി വിവിധയിടങ്ങളില് മകരജ്യോതി ദര്ശിക്കുന്നതിനായി പതിനായിരങ്ങളാണ് തടിച്ചുകൂടിയത്. ഭക്തജന പ്രവാഹം കണക്കിലെടുത്ത് ഇന്ന് രാവിലെ 11 മുതല് തന്നെ പമ്പയില് നിന്ന് തീര്ഥാടകരെ മല കയറുന്നതില് നിന്ന് നിയന്ത്രിച്ചിരുന്നു.
മകരജ്യോതി ദര്ശനത്തിനു ശേഷം സന്നിധാനം, മാളികപ്പുറം തുടങ്ങിയ സ്ഥലങ്ങളില് തങ്ങിയിരിക്കുന്ന തീര്ഥാടകര് എത്രയും വേഗം മടങ്ങണമെന്ന് നിര്ദേശം നല്കിയിട്ടുണ്ട്.
