Manna Matrimony.Com
Thalikettu.Com
ബുള്‍ ബുള്‍ എന്ന സിനിമ കണ്ടവരാരും അതിലെ പ്രധാന കഥാപാത്രമായ ബുള്‍ബുള്‍ മറന്നിട്ടുണ്ടാവില്ല. ഇതേ മേക്കോവര്‍ ലുക്കുമായി എത്തിയിരിക്കുകയാണ് ജീവിതനൗക സീരിയല്‍ താരം അഡ്വ: പിങ്കി കണ്ണന്. തൃപ്തി ഡിമ്രി എന്ന താരമാണ് പ്രധാന കഥാപാത്രത്തെ അവതരിപ്പിച്ചിരിക്കുന്നത്. സൃഷ്ടി മേക്കോവര്‍ ഹബ്ബാണ് ഈ മേക്കോവറിന് പിന്നില്‍. സോഷ്യല്‍ മീഡിയയില്‍ വൈറലായിക്കൊണ്ടിരിക്കുകയാണ് ഈ ചിത്രങ്ങള്‍.
നീലസാരിയില്‍ സുന്ദരിയായി ഭാവന
ഫോട്ടോറെഫറന്‍സ് വെച്ചാണ് ഇത്തരത്തില്‍ ഒരു ഫോട്ടോഷൂട്ട് തുടങ്ങിയത്. കോണ്‍സപ്റ്റ് ഫോട്ടോഷൂട്ട് എന്ന നിലയില്‍ മികച്ച അഭിപ്രായമാണ് ഈ ചിത്രങ്ങള്‍ക്ക് ലഭിച്ച് കൊണ്ടിരിക്കുന്നത്. ബുള്‍ ബുള്‍ സിനിമയിലെ താരത്തിനോട് കിടപിടിക്കുന്ന ലുക്കിലാണ് പിങ്കി എത്തിയിരിക്കുന്നത്. ജീവിതനൗക എന്ന സീരിയയില്‍ വളരെയധികം പ്രാധാന്യമുള്ള കഥാപാത്രമാണ് പിങ്കി ചെയ്യുന്നത്. പിങ്കിയുടെ മേക്കോവര്‍ ചിത്രങ്ങള്‍ നമുക്ക് നോക്കാം.
ബുള്‍ ബുള്‍ സിനിമ കണ്ടവരില്‍ ഒരിക്കലും മാറാതെ നില്‍ക്കുന്ന ഒന്നാണ് അവരുടെ വസ്ത്ര ധാരണരീതികളും ഓര്‍ണമെന്റ്‌സും എല്ലാം. ബുള്‍ബുള്ളില്‍ നായിക ചെയ്ത അതേ ലുക്കില്‍ തന്നെയാണ് അതിന്റെ ഫൈനല്‍ പ്രോഡക്റ്റ് എന്ന് നമുക്ക് ചിത്രങ്ങള്‍ കാണിച്ച് തരുന്നുണ്ട്. സിനിമയില്‍ ഉപയോഗിച്ച അതേ രീതിയിലുള്ള ഓര്‍ണമെന്റ്‌സും വസ്ത്രങ്ങളും കൊണ്ട് തന്നെ മികച്ച ഒരു മേക്കോവര്‍ ലുക്കില്‍ തന്നെയാണ് പിങ്കി എത്തിയിരിക്കുന്നത്.
സൃഷ്ടി മേക്കോവര്‍ ഹബ്ബാണ് ഈ ഫോട്ടോഷൂട്ട് ചെയ്തിരിക്കുന്നത്. ഗീതു സൃഷ്ടിയാണ് മേക്കപ് ചെയ്തിരിക്കുന്നത്. ഉമേഷ് സൃഷ്ടിയെന്ന ഫോട്ടോഗ്രാഫറുടെ ക്യാമറക്കണ്ണില്‍ വിരിഞ്ഞ ചിത്രങ്ങള്‍ ഇന്ന് പിങ്കിയുടെ ആരാധകരുടെ എണ്ണം വര്‍ദ്ധിപ്പിച്ചിരിക്കുകയാണ്. അരുണ്‍ദേവ് എന്ന
സെലിബ്രിറ്റി ഫോട്ടോഗ്രാഫറുടെ പങ്കും ഇതില്‍ എടുത്ത് പറയേണ്ടതാണ്. പിങ്കിയെ ബുള്‍ബുള്‍ ലുക്കിലേക്ക് എത്തിക്കുന്നതിന് ഇവരുടെ പങ്ക് എടുത്ത് പറയേണ്ടത് തന്നെയാണ്.
ബുള്‍ ബുള്‍ സിനിമയില്‍ നായിക ധരിച്ചിരുന്ന അതേ നിറത്തിലുള്ള സാരി തന്നെയാണ് തന്റെ മേക്കോവര്‍ ലുക്കില്‍ പിങ്കിയും ധരിച്ചിരുന്നത്. ഗ്രേ നിറത്തിലുള്ള ഈ സാരിയില്‍ സ്വര്‍ണക്കസവുള്ള ബോര്‍ഡറും പിങ്ക് നിറത്തിലുള്ള മാച്ചിംങ് ബ്ലൗസും പിങ്കിയെ ഒന്നു കൂടി ആ ലുക്കിലേക്ക് കൊണ്ട് വന്നു എന്ന് നമുക്ക് നിസംശയം പറയാവുന്നതാണ്.
ആഭണത്തിന്റെ കാര്യത്തിലും ഇതേ സാമ്യം നിലനിര്‍ത്തുന്നതിന് ശ്രദ്ധിച്ചിട്ടുണ്ട് എന്ന് നിങ്ങള്‍ക്ക് ഒറ്റനോട്ടത്തില്‍ തന്നെ മനസ്സിലാക്കാന്‍ സാധിക്കും. കമ്മലും വളയും മാലയും എല്ലാം തന്നെ ട്രെഡീഷണല്‍ ആന്റിക്ക് ലുക്കില്‍ ഉള്ളതായിരുന്നു. മേക്കപ്പിന്റെ കാര്യത്തിലും വളരെയധികം ശ്രദ്ധിച്ചിരുന്നു എന്നുള്ളത് ചിത്രങ്ങള്‍ കാണുമ്പോള്‍ നമുക്ക് മനസ്സിലാക്കാന്‍ സാധിക്കുന്നുണ്ട്. കേളി ഹെയര്‍ ചെയ്ത് മിനിമല്‍ മേക്കപ്പിലാണ് ബുള്‍ബുള്‍ ലുക്കില്‍ പിങ്കി എത്തിയത്.
