കഥകളുടെ സുൽത്താന്റെ ചരമവാർഷിക ദിനം; കോട്ടയം മാങ്ങാനത്തെ ബഷീർ ഗ്രാമത്തിൽ ആ കഥാപാത്രങ്ങളെ വീണ്ടും അണിനിരത്തി മാങ്ങാനം എൽ പി സ്‌കൂൾ വിദ്യാർത്ഥികളും അദ്ധ്യാപകരും

മാങ്ങാനം: പ്രശസ്ത സാഹിത്യകാരൻ വൈക്കം മുഹമ്മദ് ബഷീറിന്റെ മുപ്പതാം ചരമവാർഷികം മാങ്ങാനം എൽപി സ്കൂളിൽ വിദ്യാർത്ഥികളുടെയും അധ്യാപകരുടെയും പിടിഎ പ്രതിനിധികളുടെയും സഹകരണത്തോടെ ബഷീർ ഗ്രാമം എന്ന് പേരിട്ട സ്കൂൾ അങ്കണത്തിൽ വച്ച് ബഷീർ ദിനമായി ആചരിച്ചു.

കോട്ടയം ഈസ്റ്റ് എ ഇ ഒ അനിൽ തോമസ് സാർ മുഖ്യാതിഥി ആയിരുന്നു. ബഷീറായും കഥാപാത്രങ്ങളായും കുട്ടികൾ അണിനിരന്നു.. പാത്തുമ്മയുടെ കൂടെയുണ്ടായിരുന്ന ആട് കാഴ്ചക്കാർക്ക് ഒരു ഹരമായി.

ബഷീറിന്റെ വീടിന്റെ പൂമുഖവും സമീപത്തെ ചായക്കടയും ഇരിപ്പിടവും സ്കൂൾ മുറ്റത്ത് സജ്ജമാക്കി… പിടിഎ വൈസ് പ്രസിഡന്റ് ശ്രീമതി ദീപ്തി സാനുവിന്റെ ബഷീർ കഥാപാത്രങ്ങളെ ആസ്പദമാക്കിയുള്ള കാരിക്കേച്ചർ പ്രദർശനവും ഇതിനു മാറ്റുകൂട്ടി..

കഞ്ഞിക്കുഴി എച്ച് ഡി എഫ് സി ബാങ്ക് ജീവനക്കാർ ബഷീർ ദിനത്തോടനുബന്ധിച്ച് മാംഗോസ്റ്റി തൈ സ്കൂൾ പരിസരത്ത് നട്ടു. AEO അനിൽ തോമസ്, സ്കൂൾ ഹെഡ്മിസ്ട്രസ് ബിന്ദൂ റ്റി കുര്യൻ, പിടിഎ പ്രസിഡന്റ് ശ്രീ അജേഷ് തോമസ്, വൈസ് പ്രസിഡന്റ് ശ്രീമതി ദീപ്തി സാനു വിദ്യാർത്ഥി പ്രതിനിധി ആദ്യ അനീഷ് എന്നിവർ പ്രസംഗിച്ചു