Manna Matrimony.Com
Thalikettu.Com
അഫ്ഗാനിസ്ഥാന് വിഷയത്തില് കഴിഞ്ഞ ദിവസമാണ് ഗായിക സിത്താര കൃഷ്ണകുമാര് തന്റെ നിലപാട് വ്യക്കമാക്കി രംഗത്തെത്തിയത്. താലിബാനെ പിന്തുണയ്ക്കുന്നവര് തന്നെ അണ്ഫോളോ ചെയ്ത് പോകണം അല്ലെങ്കില് ബ്ലോക്ക് ചെയ്യുമെന്ന ഹരീഷ് ശിവരാമകൃഷ്ണന്റെ ഫേസ്ബുക്ക് പോസ്റ്റ് സിത്താര പങ്കുവെക്കുകയായിരുന്നു.
അഫ്ഗാന് പോസ്റ്റിനും ലക്ഷദ്വീപ് വിഷയത്തില് നിലപാട് വ്യക്തമാക്കിയ പോസ്റ്റിനും വന്ന ചില കമന്റുകള്ക്ക് വല്ലാത്ത സാമ്യമുണ്ടെന്നാണ് സിത്താര ഇപ്പോള് പറയുന്നത്. പോസ്റ്റിന് താഴെ വരുന്ന വിദ്വേഷ കമന്റുകളെ കുറിച്ചാണ് താരം തന്റെ പുതിയ ഫേസ്ബുക്ക് പോസ്റ്റില് പരാമര്ശിച്ചിരിക്കുന്നത്.
വാരിവിതരുന്ന വിഷത്തിനും, വെറുപ്പുലവാക്കുന്ന ഭാഷയ്ക്കും എന്തൊരു സാമ്യം അക്കാര്യത്തില് എന്തൊരു ഒത്തൊരുമ എന്നാണ് താരം കമന്റുകള് പങ്കുവെച്ച് കുറിച്ചത്. നിലപാട് വ്യക്തമാക്കുമ്പോള് അതില് രാജ്യവും, നിറവും, ജാതിയും,മതവും പക്ഷവും ഒന്നും നോക്കാറില്ലെന്നും സിത്താര വ്യക്തമാക്കി. സിത്താരയുടെ വാക്കുകള്.
അഭിനയത്തിലും സജീവമാകുമെന്ന് താരം ലക്ഷദ്വീപ് വിഷയത്തിലും, അഫ്ഘാന് വിഷയത്തിലും പോസ്റ്റുകള് ഇട്ടപ്പോള്, അതിനു താഴെ ഇതേ പേജില് വന്ന രണ്ടു കമെന്റുകള് ആണ്. ആഹാ ആ വാരിവിതരുന്ന വിഷത്തിനും, വെറുപ്പുലവാക്കുന്ന ഭാഷയ്ക്കും എന്തൊരു സാമ്യം.അക്കാര്യത്തില് എന്തൊരു ഒത്തൊരുമ. പേജുകളില് പോസ്റ്റിടുന്നത് എല്ലാം ശരിയാക്കികളയാം എന്ന വിചാരത്തിലൊന്നുമല്ല കൂട്ടുകാരെ. സത്യസന്ധമായി മനസ്സില് തോന്നുന്നത് കുറച്ചിടുന്നു എന്നു മാത്രം! അതില് രാജ്യവും, നിറവും, ജാതിയും,മതവും പക്ഷവും ഒന്നും നോക്കാറില്ല. മനസ്സിന്റെ തോന്നലുകളെ മാത്രമേ പിന്തുടരാറുള്ളൂ.
നിങ്ങള്ക് ഇഷമുള്ളത് പറഞ്ഞാല് നിങ്ങളുടെ സ്വന്തം, ഇഷ്ടമില്ലാത്തതുപറഞ്ഞാല് ആ നിമിഷം ശത്രുത! ഇതെന്തുപാട്. കണ്ണും കാതും കൂടെ മനസ്സും തുറന്നുവച്ചാലെ തിരിച്ചറിവിന്റെ വെളിച്ചം ഉള്ളിലേക്ക് വരികയുള്ളൂ! പരസ്പരം സമാധാനത്തോടെ സംവദിക്കാന് എന്നാണിനി നമ്മള് പഠിക്കുക!
