പുതുപ്പള്ളിയിൽ ഒളിവിൽ താമസിച്ച്‌ തട്ടുകട നടത്തി ; പുതുപ്പള്ളിയിലെ വാടകക്കാരന്റെ പെരുമാറ്റത്തിലെ അസ്വഭാവികത കുടുക്കിയത് ഒന്നാംതരം ക്രിമിനലിനെ; അമൽദേവിന് ഇനി ഗോതമ്പുണ്ടയുടെ നാളുകൾ !!

കോ​ട്ട​യം: ര​ണ്ടു വ​ർ​ഷ​ത്തോ​ള​മാ​യി പുതുപ്പള്ളിയിൽ ഒ​ളി​വി​ൽ ക​ഴി​ഞ്ഞി​രു​ന്ന യു​വാ​വ് പാ​സ്പോ​ർ​ട്ട് എ​ടു​ക്കാ​നെ​ത്തി​യ​പ്പോ​ൾ അ​ക​ത്താ​യി. ആ​ല​പ്പു​ഴ ജി​ല്ല​യി​ൽ നി​ര​വ​ധി ക്രി​മി​ന​ൽ​കേ​സു​ക​ളി​ൽ പ്ര​തി​യാണ് അമൽദേവ്.

പുതുപ്പള്ളി വാ​ക​ത്താ​നം ഇ​ര​വു​ചി​റ വെ​ള്ള​ത്ത​ട​ത്തി​ൽ വീ​ട്ടി​ൽ വാടകയ്ക്ക് താ​മ​സി​ക്കു​ന്ന ആ​ല​പ്പു​ഴ തൈ​ക്കാ​ട്ടു​ശേ​രി ചു​ടു​കാ​ട്ടു​പു​രം അ​ഞ്ജു നി​വാ​സി​ൽ അ​മ​ൽ​ദേ​വിനെ (35)​​യാ​ണ് വാ​ക​ത്താ​നം എസ്എച്ച്ഒ കെ. ​പി. ടോം​സ​ണി​ന്‍റെ നേ​തൃ​ത്വ​ത്തി​ലു​ള്ള സം​ഘം അ​റ​സ്റ്റ് ചെ​യ്ത​ത്.

ആ​ല​പ്പു​ഴ​യി​ലെ ര​ണ്ടു പോ​ലീ​സ് സ്റ്റേ​ഷ​നു​ക​ളി​ലാ​യി ക്വ​ട്ടേ​ഷ​ൻ, മോ​ഷ​ണം, ക​ഞ്ചാ​വ് ക​ച്ച​വ​ട​ം തു​ട​ങ്ങി​ നി​ര​വ​ധി കേ​സു​ക​ളി​ൽ പ്ര​തി​യാ​ണ് ഇ​യാ​ൾ. ക​ഴി​ഞ്ഞ മൂ​ന്നു വ​ർ​ഷ​ത്തോ​ള​മാ​യി വാ​ക​ത്താ​ന​ത്താ​ണ് ഇ​യാ​ൾ താ​മ​സി​ച്ചി​രു​ന്ന​ത്. വാ​ക​ത്താ​ന​ത്ത് ത​ട്ടു​ക​ട ന​ട​ത്തി​യി​രു​ന്ന ഇ​യാ​ൾ​ക്കെ​തിരേ ല​ഹ​രി-മാ​ഫി​യ ബ​ന്ധം ആ​രോ​പി​ച്ചു നേരത്തെ നാ​ട്ടു​കാ​ർ പ​രാ​തി ന​ൽ​കി​യി​രു​ന്നു. ഇ​തി​നി​ടെ​യാ​ണ് വാ​ക​ത്താ​ന​ത്തെ വി​ലാ​സ​ത്തി​ൽ പാ​സ്പോ​ർ​ട്ട് എ​ടു​ക്കു​ന്ന​തി​നാ​യി അ​പേ​ക്ഷ ന​ൽ​കി​യ​ത്.

ഇ​യാ​ളു​ടെ പെ​രു​മാ​റ്റ​ത്തി​ൽ അ​ട​ക്കം സം​ശ​യം തോ​ന്നി​യ വാ​ക​ത്താ​നം പൊ​ലീ​സ് സ്റ്റേ​ഷ​നി​ലെ സി​വി​ൽ പോ​ലീ​സ് ഓ​ഫീസ​ർ അ​തു​ൽ അ​മ​ൽ​ദേ​വി​നോ​ടു സ്റ്റേ​ഷ​നി​ൽ ഹാ​ജ​രാ​കാ​ൻ നി​ർ​ദേ​ശി​ച്ചു. സ്റ്റേ​ഷ​നി​ൽ എ​ത്തി​യ അ​മ​ൽ​ദേ​വ് ആ​ല​പ്പു​ഴ​യി​ലെ വി​ലാ​സം പ​റ​യാ​ൻ ത​യാ​റാ​യി​ല്ല. ഇതാണ് ഇയാളെ കുടുക്കാനുള്ള കാരണമായി മാറിയത്.

തു​ട​ർ​ന്ന് അ​ച്ഛ​ന്‍റെ പേ​രും മ​റ്റു വി​വ​ര​ങ്ങ​ളും ശേ​ഖ​രി​ച്ച പോ​ലീ​സ് ആ​ല​പ്പു​ഴ ജി​ല്ലാ പോ​ലീ​സി​ന്‍റെ സ​ഹാ​യ​ത്തോ​ടെ അ​ന്വേ​ഷ​ണം ന​ട​ത്തി. ഇ​തോ​ടെ​യാ​ണ് നി​ര​വ​ധി ക്രി​മി​ന​ൽ കേ​സു​ക​ളി​ൽ പ്ര​തി​യാ​യ അ​മ​ലാ​ണ് വാ​ക​ത്താ​ന​ത്ത് ഒ​ളി​വി​ൽ താ​മ​സി​ക്കു​ന്ന​തെ​ന്നു ക​ണ്ടെ​ത്തി​യ​ത്. പിടി കൂടിയ ശേഷം തു​ട​ർ​ന്ന് ഇ​യാ​ളെ ആ​ല​പ്പു​ഴ പോ​ലീ​സി​നു കൈ​മാ​റി.