സീ​റ്റി​നു​ള്ളി​ൽ കാ​ൽ കു​ടു​ങ്ങി​യ​തി​നാ​ൽ എഴുന്നേൽക്കാൻ കഴിയാത്ത തന്റെ ശരീരത്തിൽ മാസകഷണങ്ങളും ആളുകളും ചിതറി വീണു .. ഭയം നിറഞ്ഞ അങ്കമാലി സ്വദേശി അജയ്ക്ക് ജീവിതം തിരിച്ചു കിട്ടിയെന്നു ഇപ്പോഴും വിശ്വാസമില്ല.

അ​ങ്ക​മാ​ലി:  നെഞ്ചിലും കണ്ണിലും കരളിലും ഒക്കെ ഇപ്പോഴും തീയാണ് അജയ്‌ക്കു . കാരണം അ​വി​നാ​ശി അ​പ​ക​ട​ത്തി​ൽ ര​ക്ഷ​പ്പെ​ട്ട അ​ങ്ക​മാ​ലി സ്വ​ദേ​ശി അ​ജ​യ് സ​ന്തോ​ഷി​ന് ജീ​വി​ത​ത്തി​ലേ​ക്ക് താൻ തിരിച്ചു വന്നെന്ന സത്യം ഇതുവരെയും വിശ്വസിക്കുവാൻ കഴിഞ്ഞിട്ടില്ല.എ​ന്താ​ണ് സം​ഭ​വി​ച്ച​തെ​ന്ന് ഓ​ർ​ത്തെ​ടു​ക്കുമ്പോൾ നെ​ഞ്ചി​നു​ള്ളി​ൽ ഇ​പ്പോ​ഴും തീയാണ്. ഇ​ടതു​ഭാ​ഗ​ത്തെ പി​ൻ​സീ​റ്റി​ലാ​യി​രു​ന്ന​തു​കൊ​ണ്ട് മാ​ത്രം ജീ​വ​ൻ തി​രി​ച്ചു​കി​ട്ടി.

അ​പ്ര​തീ​ക്ഷ​മാ​യു​ണ്ടാ​യ ഇ​ടി​യു​ടെ ശ​ബ്ദ​വും ആ​ഘാ​ത​വും മൂ​ലം ഞെ​ട്ടി​യു​ണ​ർ​ന്ന​പ്പോ​ൾ കാ​ൽ എ​ടു​ക്കാ​നാ​വാ​തെ കമ്പിയിൽ കു​ടു​ങ്ങിക്കി​ട​ക്കു​ക​യാ​യി​രു​ന്നു. മ​ടി​യി​ലും ചു​മ​ലി​ലു​മാ​യി മാസ കഷണങ്ങളും ആ​ളു​ക​ളും കി​ട​ക്കു​ന്നു. ഒ​ട്ടേ​റെ പേ​ർ നി​ല​ത്തു​വീ​ണു കി​ട​ക്കു​ന്നു. ബ​സി​ന്‍റെ ചി​ല്ലു​ക​ൾ പൊ​ട്ടി​ച്ചാ​ണ് യാ​ത്ര​ക്കാ​രെ പു​റ​ത്തെ​ടു​ത്ത​ത്. ആ​രൊ​ക്കെ​യൊ ചേ​ർ​ന്ന് ഓ​രോ​രു​ത്ത​രേയും ആ​ശു​പ​ത്രി​യി​ലേ​ക്കു കൊ​ണ്ടു​പോ​യി.

സീ​റ്റി​നു​ള്ളി​ൽ കാ​ൽ കു​ടു​ങ്ങി​യ​തി​നാ​ൽ പെ​ട്ടെ​ന്ന് എ​ഴു​ന്നേ​ൽ​ക്കാ​നാ​യി​ല്ല.ഇ​ട​തു​കാ​ലി​നും ചെ​വി​യു​ടെ താ​ഴെ​യും നെ​റ്റി​ക്കും ചു​ണ്ടി​നു​മാ​ണ് പ​രിക്കു​ള്ള​ത്. തി​രു​പ്പൂ​രി​ലെ ആ​ശു​പ​ത്രി​യി​ൽ പ്രാ​ഥ​മി​ക പ​രി​ശോ​ധ​ന​ക​ൾ ന​ട​ത്തി​യ ശേ​ഷം റെ​യി​ൽ​വേ സ്റ്റേ​ഷ​നി​ലേ​ക്കു പോയി.

നാ​ട്ടി​ലെ​ത്തി​യ അ​ജ​യ് അങ്കമാലി ലി​റ്റി​ൽ ഫ്ല​വ​ർ ആ​ശു​പ​ത്രി​യി​ലെ​ത്തി പ​രി​ശോ​ധ​ന​ക​ൾ ന​ട​ത്തി. വി​ദേ​ശ​ത്തു​ള്ള അ​ച്ഛ​ൻ സ​ന്തോ​ഷി​ന് അ​ജ​യ് വീഡി​യോ കോ​ൾ ചെയ്തു. ബം​ഗ​ളൂ​രുവിലെ സ​പ്ത​ഗി​രി മെ​ഡി​ക്ക​ൽ കോ​ള​ജി​ൽ ഒ​ന്നാം വ​ർ​ഷ ഫി​സി​യോ തെറാ​പ്പി വി​ദ്യാ​ർ​ഥി​യാ​ണ് അ​ജ​യ്.