Manna Matrimony.Com
Thalikettu.Com
സംസ്ഥാനത്തിന്റെ സാമ്പത്തിക ബാധ്യതയെ കുറിച്ച് ധവള പത്രം ഇറക്കണമെന്ന് പ്രതിപക്ഷ നേതാവ് വി ഡി സതീശന്. സര്ക്കാര് ധൂര്ത്തടിക്കുകയാണ്. ധനവകുപ്പിന് ഒരു നിയന്ത്രണവും ഇല്ലാത്ത അവസ്ഥയാണ്. എല്ലാം തീരുമാനിക്കുന്നത് മുഖ്യമന്ത്രിയുടെ ഓഫിസാണ്. ഇക്കണക്കിന് പോയാല് ശമ്പളം കൊടുക്കാന് പോലും ഉള്ള പണം സര്ക്കാരിന്റെ പക്കലുണ്ടാകില്ല.
ആയിരകണക്കിന് കോടി രൂപയുടെ നികുതി പിരിച്ചെടുക്കാന് ഉണ്ട്. അതുപോലും നേരെ ചൊവ്വേ നടത്താന് സര്ക്കാരിന് ആകുന്നില്ല. ധനവകുപ്പ് നിഷ്ക്രിയമാണ്. സാന്പത്തിക മാന്ദ്യം മറികടക്കാന് എന്താണ് ചെയ്തിട്ടുള്ളതെന്ന് സര്ക്കാര് വ്യക്തമാക്കണമെന്നും പ്രതിപക്ഷ നേതാവ് വി ഡി സതീശന് ആവശ്യപ്പെട്ടു.
വൈദ്യുതി ചാര്ജ് വധിപ്പിക്കേണ്ട സാഹചര്യം കേരളത്തില് ഇല്ല. വൈദ്യുതി ചാര്ജ് വര്ധന പ്രതിഷേധാര്ഹമാണ്. വൈദ്യുതി ബോര്ഡിലെ അഴിമതിയും കെടുകാര്യസ്ഥതയുമാണ് ചാര്ജ് വര്ധനക്ക് കാരണമായതെന്ന് വി ഡി സതീശന് പറഞ്ഞു. ജനത്തിന് മേല് അമിത ഭാരം അടിച്ചേല്പ്പിക്കുകയാണ് സര്ക്കാര് ചെയ്തത്. കടുത്തസാന്പത്തിക ബാധ്യതയിലൂടെ പോകുന്ന ജനത്തിന് ഇത് താങ്ങാന് പറ്റുന്നതിലധികമാണ്. ജീവിക്കാന് കഴിയാത്ത സാഹചര്യത്തിലേക്കാണ് ജനങ്ങള് പോകുന്നതെന്നും വി ഡി സതീശന് പറഞ്ഞു
വയനാട് മണ്ഡലത്തിന് വേണ്ടി ഒന്നും ചെയ്യാത്ത എം പി അല്ല രാഹുല്ഗാന്ധി. അദ്ദേഹത്തിന്റെ വിവിധ പദ്ധതികളുടെ അവലോകന റിപ്പോര്ട്ട് അടങ്ങിയ ഫയല് ആണ് എസ്എഫ്ഐ പ്രവര്ത്തര് എടുത്തു കൊണ്ട് പോയി നശിപ്പിച്ചത്. കൃത്യമായി പദ്ധതികള് നടപ്പാക്കുന്നുണ്ട്. അത് സംബന്ധിച്ച അവലോകന യോഗങ്ങളിലും രാഹുല്ഗാന്ധി പങ്കെടുക്കുന്നുണ്ട്. മണ്ഡലത്തിലെ എം എല് എമാരുമായി ചര്ച്ച നടത്തുന്നുമുണ്ട്. കളക്ടര് വിളിച്ചു ചേര്ക്കുന്ന വികസന സമിതി യോഗങ്ങളിലും പങ്കെടുക്കുന്നുണ്ടെന്നും പ്രതിപക്ഷ നേതാവ് വിഡി സതീശന് പറഞ്ഞു.
വയനാട്ടില് സിപിഎം പ്രതിഷേധ മാര്ച്ച് സംഘടിപ്പിക്കുന്നു. ആര്ക്കെതിരെയാണ് സിപിഎമ്മിന്റെ പ്രതിഷേധ മാര്ച്ച്. ബാലന്സ് പോയ അവസ്ഥയിലാണ് സിപിഎം. സിപിഎമ്മിന്റെ കിളി പോയിരിക്കുകയാണെന്നും വി ഡി സതീശന് പരഹസിച്ചു.
