Manna Matrimony.Com
Thalikettu.Com
തൃക്കാക്കരയില് യുഡിഎഫ് അനുകൂല ട്രെന്ഡ്. തെരഞ്ഞെടുപ്പ് ഫലത്തിന്റെ ആദ്യഫല സൂചനകള് പുറത്തു വരുമ്പോള് യുഡിഎഫ് സ്ഥാനാര്ത്ഥി ഉമ തോമസാണ് ലീഡ് ചെയ്യുന്നത്. നഗരത്തില് യുഡി എഫ് അനൂകൂല മുന്നേറ്റമാണ് നടക്കുന്നത്. യുഡിഎഫ് ക്യാമ്പില് ഇതിനോടകം ആഘോഷങ്ങള് തുടങ്ങി കഴിഞ്ഞു. പലയിടങ്ങളിലും മുദ്രാവാക്യം വിളികളെല്ലാം ആരംഭിച്ചു.
വോട്ടെണ്ണല് മൂന്നാം റൗണ്ടിലെത്തുമ്പോള് യുഡിഎഫിന്റെ ഉമാ തോമസ് കരുത്ത് തെളിയിച്ചിരിക്കുകയാണ്. പി.ടി തോമസിന് ലഭിച്ചതിനേക്കാള് ഇരട്ടി ലീഡാണ് ഉമാ തോമസിന് ലഭിച്ചിരിക്കുന്നത്. നിലവില് ഇരുപതിനായിരത്തോളം വോട്ടുകളാണ് ഉമാ തോമസിന് ലഭിച്ചിരിക്കുന്നത്.
നിലവില് ഇരുപതിനായിരത്തോളം വോട്ടുകളാണ് ഉമാ തോമസിന് ലഭിച്ചിരിക്കുന്നത്. എല്ഡിഎഫ് സ്ഥാനാര്ത്ഥി ജോ ജോസഫിന്റെ വോട്ടുകള് പതിനാലായിരത്തിലേക്ക് അടുക്കുകയാണ്. എന്ഡിഎയുടെ വോട്ട് ആയിരം കടന്നു.
തൃക്കാക്കരയില് ജയം ഉറപ്പിക്കേണ്ടത് മുഖ്യമന്ത്രിക്കും പ്രതിപക്ഷ നേതാവിനും അഭിമാന പ്രശ്നമാണ്. പൊന്നാപുരം കോട്ടയെന്ന് വിശേഷിപ്പിക്കുന്ന മണ്ഡലം നഷ്ടപ്പെട്ടാല് പ്രതിപക്ഷ നേതാവിന്റെയും കെ.പി.സി.സി പ്രസിഡന്റിന്റെ നേതൃത്വം ചോദ്യം ചെയ്യപ്പെടും. നൂറ് തികയ്ക്കാന് കിട്ടുന്ന ഒരു സീറ്റ് മുഖ്യമന്ത്രിയുടെ കിരീടത്തിലെ പൊന്തൂവലായ് മാറുകയും ചെയ്യും.
