വിജയപുരം പത്താം വാർഡ് നിവാസികളുടെ ദുരിതത്തിന് ശ്വാശ്വത പരിഹാരം; മാങ്ങാനം കണ്ണമ്പലം തേവർകുന്ന് റോഡ് പ്രാവർത്തികമാക്കി മെമ്പർ ഷൈനി വർക്കി; തിരുവഞ്ചൂർ രാധാകൃഷ്ണൻ എം എൽ എ നാളെ ഉത്‌ഘാടനം നിർവഹിക്കും

മാങ്ങാനം: വിജയപുരം പഞ്ചായത്ത് പത്താം വാർഡ് നിവാസികളുടെ ദുരിതത്തിന് ആശ്വാസമായി കണ്ണമ്പലം തേവർകുന്ന് റോഡ് നാളെ ഉത്‌ഘാടനം ചെയ്യും. കോട്ടയം എം എൽ എ തിരുവഞ്ചൂർ രാധാകൃഷ്ണനാണ് നവീകരിച്ച റോഡ് പ്രദേശവാസികൾക്ക് തുറന്ന് കൊടുക്കുന്നത്.

മാങ്ങാനം നരസിംഹസ്വാമി ക്ഷേത്രത്തിനു സമീപം ദേവലോകം റോഡിലാണ് കണ്ണമ്പലം തേവർകുന്ന് റോഡ്. ചതുപ്പ് നിലമായിരുന്ന ഈ പ്രദേശത്തെ വഴി  നിരവധി വീട്ടുകാർ ആശ്രയിക്കുന്നതാണ്.

ചതുപ്പ് നിലമായിരുന്നതിനാൽ ഇതുവഴിയുള്ള കാൽനട യാത്രപോലും അസാധ്യമായിരുന്നു. റോഡിനു വേണ്ടി പ്രദേശവാസികൾ വർഷങ്ങളായി കാത്തിരുന്നിട്ടും റോഡ് പ്രവർത്തികമാക്കുവാനുള്ള നടപടികളൊന്നും ഫലം കണ്ടിരുന്നില്ല.

പ്രദേശവാസികളുടെ ആവശ്യപ്രകാരം വിജയപുരം പത്താം വാർഡ് മെമ്പർ ഷൈനി വർക്കിയാണ് റോഡ് പ്രാവർത്തികമാക്കിയത്. ഇതോടെ കണ്ണമ്പലം തേവർകുന്ന് പ്രദേശവാസികളുടെ ദുരിതത്തിന് ശ്വാശ്വത പരിഹാരമായിരിക്കുകയാണ്.

രോഗികളായ ആളുകളെ വാഹനത്തില്‍ കയറ്റി കൊണ്ടുപോകാൻ പോലും കഴിയാത്ത അവസ്ഥയിലായിരുന്നു പ്രദേശവാസികൾ. റോഡ് പണി പൂർത്തിയാക്കി നവീകരിച്ചതോടെ പ്രദേശവാസികളുടെ തീരാദുരിതത്തിനു അറുതി വന്നിരിക്കുകയാണ്

നാളെ (10/04/2022 ഞായർ) വൈകിട്ട് 4 മണിക്ക് കോട്ടയം എം എൽ എ തിരുവഞ്ചൂർ രാധാകൃഷ്ണൻ റോഡ് ഉത്‌ഘാടനം ചെയ്യും. വിജയപുരം പഞ്ചായത്ത് പ്രസിഡന്റ് സോമൻകുട്ടി, പത്താം വാർഡ് മെമ്പർ ഷൈനി വർക്കി, കോൺഗ്രസ്സ് മണ്ഡലം പ്രസിഡന്റ് മിഥുൻ ജി തോമസ്, മറ്റു വാർഡ് മെമ്പർമാർ തുടങ്ങിയവർ പങ്കെടുക്കും.