Manna Matrimony.Com
Thalikettu.Com
ADVERTISEMENT
തലശേരി ന്യൂമാഹിക്കടുത്ത് സിപിഐഎം പ്രവര്ത്തകനെ വെട്ടിക്കൊന്നു. പുന്നോല് സ്വദേശി ഹരിദാസാണ് കൊല്ലപ്പെട്ടത്. ഇയാള് മത്സ്യത്തൊഴിലാളിയാണ്. കൊലയ്ക്ക് പിന്നില് ആര് എസ് എസ് പ്രവര്ത്തകരാണെന്നാണ് സിപിഐഎം ആരോപിക്കുന്നത്.
ആക്രമണം തടയാന് ശ്രമിച്ച സഹോദരനും പരുക്കേറ്റു. ഹരിദാസിന്റെ മൃതദേഹം പരിയാരം മെഡിക്കല് കോളജിലേക്ക് മാറ്റിയിട്ടുണ്ട്. ജോലി കഴിഞ്ഞ് പുലര്ച്ചെ ഒന്നരയോടെ വീട്ടിലേക്ക് മടങ്ങിവരും വഴിയാണ് ഹരിദാസിന് വെട്ടേല്ക്കുന്നത്. രണ്ട് ബൈക്കുകളിലായി എത്തിയ സംഘമാണ് ആക്രമണം നടത്തിയത്.
പുന്നോലിലെ ക്ഷേത്ര ഉത്സവവുമായി ബന്ധപ്പെട്ട് ചില തര്ക്കങ്ങള് നിലനിന്നിരുന്നു. ഇതാകാം ആക്രമത്തിലേക്ക് നയിച്ചതെന്നാണ് പ്രാഥമിക നിഗമനം. വടിവാള് ഉപയോഗിച്ചാണ് ആക്രമണം നടത്തിയതെന്നും ഒരു കാല് വെട്ടിമാറ്റിയെന്നും നാട്ടകാര് പറയുന്നു.
ADVERTISEMENT
