Manna Matrimony.Com
Thalikettu.Com
നടന് ശ്രീജിത്ത് രവി അറസ്റ്റില്. കുട്ടികള്ക്ക് നേരെ അശ്ലീല പ്രദര്ശനം നടത്തി എന്ന് കേസിലാണ് അറസ്റ്റ്. ഇന്നലെ തൃശ്ശൂര് അയ്യന്തോളില് വച്ചാണ് അപമര്യാദയായി പെരുമാറിയത്. തൃശൂര് വെസ്റ്റ് പോലീസ് പോക്സോ കേസ് പ്രകാരമാണ് അറസ്റ്റ് ചെയ്തത്.
അയ്യന്തോളിലെ എസ്എന് പാര്ക്കിനു സമീപം കാര് നിര്ത്തി രണ്ട് കുട്ടികളോട് അശ്ലീല ആംഗ്യം കാണിച്ചു എന്നതാണ് കേസ്. ശ്രീജിത്ത് രവിയുടെ കാറും പൊലീസ് പിടിച്ചെടുത്തു. കാറ് കേന്ദ്രീകരിച്ച് നടത്തിയ അന്വേഷണത്തിലായിരുന്നു അറസ്റ്റ്.
ഇതിന് മുമ്പും സ്കൂള് വിദ്യാര്ഥിനികളോട് അപമര്യാദയായി പെരുമാറിയെന്ന പരാതിയില് ശ്രീജിത്ത് രവി അറസ്റ്റിലായിട്ടുണ്ട്. 2016 ആഗസ്ത് 27നായിരുന്നു സംഭവം. സ്കൂളിലേക്ക് സംഘമായി പോകുകയായിരുന്ന പെണ്കുട്ടികള്ക്കടുത്തെത്തി കാറിന്റെ ഡ്രൈവര് സീറ്റിലിരുന്നു നഗ്നത പ്രദര്ശിപ്പിക്കുകയും കുട്ടികള് ഉള്പ്പെടുന്ന തരത്തില് സെല്ഫി എടുത്തുവെന്നായിരുന്നു പരാതി.
കുട്ടികള് ബഹളം വച്ചതോടെ ഇയാള് പെട്ടെന്നു കാര് ഓടിച്ചു പോവുകയായിരുന്നു. സംഭവം കുട്ടികള് സ്കൂള് പ്രിന്സിപ്പലിനെ അറിയിക്കുകയും അവര് നല്കിയ പരാതിയുടെ അടിസ്ഥാനത്തില് ഒറ്റപ്പാലം പൊലീസാണ് കേസ് എടുത്തത്.
