തകര്‍ക്കണം,തകര്‍ക്കണം നമ്മളീ കൊറോണയെ; വൈറലായി പോലീസുകാരിയുടെ പാട്ട്

തൊട്ടിൽപാലം: കൊറോണ ബോധവത്കരണവുമായി ബന്ധപ്പെട്ട് ശ്രദ്ധ നേടുകയാണ് ഒരു പൊലീസുകാരിയുടെ പാട്ട്.’തകർക്കണം തകർക്കണം നമ്മളീ കൊറോണയെ’ എന്നു തുടങ്ങുന്ന ഗാനം ആലപിക്കുന്നത് ദീപയാണ്. തൊട്ടിൽപാലം ജനമൈത്രി പോലീസ് ആണ് ഈ കൊറോണ ഗാനത്തിനു പിന്നിൽ. 

‘ഭയപ്പെടേണ്ട കരുതലോടെ, ഒരുമയോടെ നീങ്ങിടാം മുന്നിൽ നിന്ന് പട നയിച്ച് കൂടെയുണ്ട് പൊലീസും, ഒരുമയോടെ കൂടെ നിന്ന് ഈ വിപത്തിനെ ചെറുത്തിടാം. മുഖത്ത് നിന്ന് പുഞ്ചിരികൾ മാഞ്ഞിടാതെ നോക്കിടാം’ എന്നാണ് പാട്ട് മുന്നോട്ട് വയ്ക്കുന്ന സന്ദേശം. ഒപ്പം കൊറോണ കാലത്ത് പാലിക്കേണ്ട ജാഗ്രത നിർദേശങ്ങളും പാട്ടിൽ പറഞ്ഞുപോവുന്നുണ്ട്.