Manna Matrimony.Com
Thalikettu.Com
ഇരിങ്ങാലക്കുട : സാങ്കേതിക വിദ്യാഭ്യാസം തദ്ദേശ ഭാഷയിലൂടെ പൊതുജനങ്ങളിലേക്ക് എത്തിക്കാനുള്ള ശ്രമങ്ങളുടെ ഭാഗമായി,AICTE–VAANI പദ്ധതിയുടെ പിന്തുണയോടെ ഇരിങ്ങാലക്കുട ക്രൈസ്റ്റ് എഞ്ചിനീയറിംഗ് കോളേജ് , ഒരു ത്രിദിന ശില്പശാല ,“ഉണര്വ്: ഒരു സുസ്ഥിര ഭാവിയിലേക്കുള്ള പ്രയാണം ” ,സംഘടിപ്പിക്കുന്നു. 2025 ജൂലൈ 17 മുതൽ 19 വരെ കോളേജിലെ കോൺഫറൻസ് ഹാളിൽ വെച്ച് നടക്കുന്ന ഈ ശിൽപശാലയുടെ മുഴുവൻ ക്ലാസ്സുകളും മലയാളം ഭാഷയിൽ ആയിരിക്കും.
ഊർജം, സുസ്ഥിരത, കാലാവസ്ഥാ വ്യതിയാനം എന്നിവയുമായി ബന്ധപ്പെട്ട സമകാലിക വിഷയങ്ങളിൽ , പരിചയ സമ്പന്നരായ വിദഗ്ധരുടെ ക്ലാസുകൾ , ചർച്ചകൾ, അനുഭവങ്ങൾ എന്നിവ ഉൾപ്പെടുത്തിയിരിക്കുന്നു. അധ്യാപകർ, ഗവേഷണ വിദ്യാർത്ഥികൾ ,പി ജി വിദ്യാർത്ഥികൾ ,സംരംഭകർ, വ്യവസായ പ്രവർത്തകർ എന്നിവർക്ക് ഈ ശില്പശാലയിൽ പങ്കെടുക്കാവുന്നത് ആണ്.
ഭാഷാപരമായ ഉൾക്കാഴ്ചയും സുസ്ഥിരതയിലേക്കുള്ള പ്രതിബദ്ധതയും ഒരു പടി മുന്നോട്ടേക്ക് എത്തിക്കുന്ന ഈ സംരംഭം തദ്ദേശ തലത്തിൽ വലിയ സ്വാധീനം ചെലുത്തുമെന്നാണ് പ്രതീക്ഷ.
വിശദ വിവരങ്ങൾക്ക് ബന്ധപ്പെടുക. ഡോ. വിഷ്ണു പി മദൻമോഹൻ: 94963 46745, ഡോ .യൂജിൻ പീറ്റർ: 9495748079
