Manna Matrimony.Com
Thalikettu.Com
കര്ണാടകയില് വിദ്യാഭ്യാസ സ്ഥാപനങ്ങളില് ഹിജാബ് വിലക്കിയതിനെതിരെ വിദ്യാര്ത്ഥിനികള് നല്കിയ ഹര്ജികള് ഹൈക്കോടതി തള്ളി. യൂണിഫോം നിര്ദ്ദേശിക്കുന്നത് മൗലികാവകാശങ്ങള്ക്ക് മേലുള്ള ന്യായമായ നിയന്ത്രണമാണെന്ന് കോടതി നിരീക്ഷിച്ചു. ഇസ്ലാം മതവിശ്വാസ പ്രകാരം ഹിജാബ് ധരിക്കുന്നത് അനിവാര്യമായ ആചാരമല്ലെന്നും കോടതി വ്യക്തമാക്കി.
ചീഫ് ജസ്റ്റിസ് ഋതു രാജ് അവസ്തി, ജസ്റ്റിസ് കൃഷ്ണ എസ് ദീക്ഷിത്, ജസ്റ്റിസ് ജെഎം ഖാസി എന്നിവരടങ്ങുന്ന വിശാല ബെഞ്ചാണ് രാജ്യം ഉറ്റു നോക്കുന്ന ഹിജാബ് വിഷയത്തില് വിധി പറഞ്ഞത്
ഹിജാബ് മൗലികാവാകാശങ്ങളുടെ ഭാഗമാണെന്ന് ചൂണ്ടികാട്ടി കര്ണാടകയിലെ വിദ്യാര്ത്ഥിനികളാണ് ഹര്ജി നല്കിയിരുന്നത്. വിവിധ സംഘടനകളും കേസില് കക്ഷി ചേര്ന്നിരുന്നു.11 ദിവസമാണ് കേസില് കോടതി വാദം കേട്ടത്. ഹിജാബ് മതാചാരങ്ങളുടെയും മൗലികാവകാശങ്ങളുടെയും ഭാഗമല്ലെന്നായികുന്നു കര്ണാടക സര്ക്കാര് നിലപാട്.
ഭരണഘടനയുടെ 25 ആം അനുച്ഛേദം ഹിജാബിന്റെ കാര്യത്തില് ബാധകമല്ലെന്ന വാദവും സര്ക്കാര് ഉന്നയിക്കുന്നു. ഹിജാബ് വിഷയത്തില് ഇടനിലക്കാരെ പോലെ ഇടപെടാനാകില്ലെന്നും ഭരണഘടനാപരമായ വിഷയങ്ങളാണ് പരിശോധിക്കുന്നതെന്നും ഹൈക്കോടതി വ്യക്തമാക്കിയിരുന്നു. വിധി വരും വരെ ക്ലാസ് മുറികളില് ഏതെങ്കിലും തരത്തിലുള്ള മതപരമായ വസത്രങ്ങള് ധരിക്കുന്നതിന് കോടതി വിലക്ക് ഏര്പ്പെടുത്തിയിരുന്നു.
