ഇന്ത്യ പാകിസ്ഥാന് സംഘര്ഷ സാധ്യത ശക്തമായി നില്ക്കെ, സംസ്ഥാനങ്ങള്ക്ക് കേന്ദ്രസര്ക്കാര് പത്ത് നിര്ദേശം നല്കി. കേരളം അടക്കമുള്ള കടലോട് ചേര്ന്ന് കിടക്കുന്ന സംസ്ഥാനങ്ങളിലും പടിഞ്ഞാറന് സംസ്ഥാനങ്ങളിലുമാണ് ഉയര്ന്ന ജാഗ്രതാ നിര്ദ്ദേശം പ്രഖ്യാപിച്ചിരിക്കുന്നത്.
ഇന്ത്യ പാകിസ്ഥാന് സംഘര്ഷം എങ്ങോട്ട് വേണമെങ്കിലും നീങ്ങാം എന്നാണ് സര്ക്കാര് വ്യത്തങ്ങള് പറയുന്നത്. ഇന്നും നാളെയുമായാണ് ദേശവ്യാപകമായി മോക് ഡ്രില് സംഘടിപ്പിക്കാന് കേന്ദ്രം സംസ്ഥാനങ്ങളോട് ആവശ്യപ്പെട്ടത്. കേരളത്തില് കൊച്ചിയിലും തിരുവനന്തപുരത്തുമാണ് മോക് ഡ്രില് നടക്കുകയെന്നാണ് ലഭ്യമായ വിവരം.
ആകാശമാര്ഗ്ഗമുള്ള ആക്രമണം തടയാന് എയര് സൈറന്, ജനങ്ങളെ അടിയന്തരമായി ഒഴിപ്പിക്കാനും താമസിപ്പിക്കാനുമുള്ള സൗകര്യം, രാത്രി വിളക്കണച്ച് ബ്ലാക് ഔട്ട് ഡ്രില് തുടങ്ങി 10 നിര്ദ്ദേശങ്ങളാണ് കേന്ദ്രം സംസ്ഥാനങ്ങള്ക്ക് നല്കിയത്.
കേരളം, തമിഴ്നാട്, കര്ണാടക, ഗോവ, മഹാരാഷ്ട്ര, ഗുജറാത്ത്, ഒഡിഷ ആന്ധ്രപ്രദേശ്, പശ്ചിമ ബംഗാള് തുടങ്ങിയ തീര സംസ്ഥാനങ്ങള്ക്കാണ് നിര്ദ്ദേശം. ഇതിന് പുറമെ ഗുജറാത്ത്, മഹാരാഷ്ട്ര, ഗോവ, ദാദ്ര നഗര് ഹവേലി, മധ്യപ്രദേശ് എന്നീ പടിഞ്ഞാറന് സംസ്ഥാനങ്ങള്ക്കും ഉയര്ന്ന ജാഗ്രതാ നിര്ദ്ദേശമുണ്ട്