കോട്ടയം: വാകത്താനം രണ്ടാം വാർഡിൽ കോവിഡ് ബാധിച്ച് മരിച്ച തെക്കേവേലങ്ങാട്ട് അമ്മിണി കുട്ടപ്പൻ്റെ (72) മൃതദേഹം സിപിഐഎം ഡിവൈഎഫ്ഐ പ്രവർത്തകരുടെ നേതൃത്വത്തിൽ സംസ്കരിച്ചു .
കോവിഡ് സ്ഥിരീകരിച്ചതിനെ തുടർന്ന് കോട്ടയം ജില്ലാ ജനറൽ ആശുപത്രിയിൽ ചികിത്സയിലായിരുന്ന അമ്മിണി തിങ്കളാഴ്ച ഒന്നരയോടെ മരണപ്പെട്ടു.
വാകത്താനം സാമൂഹ്യ ആരോഗ്യ കേന്ദ്രത്തിലെ ഹെൽത്ത് ഇൻസ്പെക്ടർ ജയൻ കെ എ, ജൂനിയർ ഹെൽത്ത് ഇൻസ്പെക്ടർ രതീഷ് നാഥ്, ജെ പി എച്ച് എൻ അനില, എന്നിവരുടെ നിർദ്ദേശമനുസരിച്ച് സിപിഐ എം, ഡിവൈഎഫ്ഐ പ്രവർത്തകരാണ് മൃതദേഹം സംസ്കരിച്ചത്.
ആർ രാജേഷ്, സജോഷ് മാത്യു, ജോൺസൺ വർഗീസ്, ഗിരീഷ് കുമാർ എന്നിവരാണ് പി.പി.ഇ കിറ്റ് ധരിച്ച് മൃതദേഹം മോർച്ചറിയിൽ നിന്നും എറ്റു വാങ്ങി ശ്മശാനത്തിൽ എത്തിച്ചത്.