Main Menu

മാണി എന്ന പേരിനെ കൈവിടാതെ പാലായുടെ ജന മനസ്സ്. പാലായിൽ മാണി തന്നെയോ? മുന്നിൽ നിൽക്കുന്നത് എൽഡി എഫിന്റെ മാണി എന്ന വ്യത്യാസം. ആദ്യ ഫല സൂചനകളിൽ യു ഡി എഫിനെ കൈ വിട്ടു പാലാ മണ്ഡലം. കേരള കോൺഗ്രസ്സിലെ ചേരിപ്പോര് പാലായെ കൈവിടുമോ?

പാലാ: മാണി എന്ന പേരിനെ കൈവിടാതെ പാലായുടെ ജന മനസ്സ്. മുന്നിൽ നിൽക്കുന്നത് എൽഡി എഫിന്റെ മാണി എന്ന വ്യത്യാസം. ആദ്യ ഫല സൂചനകളിൽ യു ഡി എഫിനെ കൈ വിട്ടു പാലാ മണ്ഡലം. പാലാ ഉപതെരഞ്ഞെടുപ്പിന്‍റെ വോട്ടെണ്ണല്‍ പുരോഗമിക്കുമ്പോള്‍ വോട്ടു കച്ചവടം നടന്നുവെന്ന് ആരോപണവുമായി യുഡിഎഫിന്‍റെ സ്വതന്ത്ര സ്ഥാനാര്‍ത്ഥി ജോസ് ടോം. ഏറെ പ്രതീക്ഷ പുലര്‍ത്തിയ രാമപുരത്ത് ലീഡ് മാണി സി കാപ്പന് ലഭിച്ചതോടെയാണ് വോട്ടു കച്ചവടം നടന്നതായുള്ള ആരോപണം യുഡിഎഫ് ഉയര്‍ത്തിയിരിക്കുന്നത്. വോട്ടെണ്ണല്‍ തുടങ്ങിയപ്പോള്‍ മുതല്‍ മാണി സി കാപ്പനാണ് ലീഡ് ചെയ്യുന്നത്. നേരത്തെ, വേട്ടെടുപ്പിന് ശേഷം ബിജെപി യുഡിഎഫിന് വോട്ടു മറിച്ചതായുള്ള ആരോപണം ഉയര്‍ന്നു വന്നിരുന്നു

രാമപുരത്ത് എല്‍ഡിഎഫിന് ലീഡ് ലഭിച്ചത് തിരിച്ചടിയാണെന്നും ജോസ് ടോം പറഞ്ഞു. എന്നാല്‍, മറ്റു പഞ്ചായത്തുകളും പാലാ നഗരസഭയും എണ്ണി കഴിയുമ്പോള്‍ ഈ ലീഡ് നില മാറി മറിയുമെന്നും അദ്ദേഹം കൂട്ടിച്ചേര്‍ത്തു. ആദ്യ മണിക്കൂറിലെ സസ്പെന്‍സിന് ശേഷം തപാല്‍ വോട്ടുകളും സര്‍വ്വീസ് വോട്ടുകളും എണ്ണി കഴിഞ്ഞപ്പോള്‍ ആറ് വീതം വോട്ടുകളാണ് യുഡിഎഫിനും എല്‍ഡിഎഫിനും ലഭിച്ചത്.

എന്നാല്‍ തുടര്‍ന്നങ്ങോട്ട് വോട്ടെണ്ണല്‍ സംബന്ധിച്ച വിവരങ്ങളൊന്നും പുറത്തു വന്നില്ല. വോട്ടിംഗ് മെഷീനുകള്‍ പുറത്തെടുക്കുന്നതിലുണ്ടായ താമസമാണ് വോട്ടെണ്ണല്‍ വൈകാന്‍ കാരണമായത്. ഒടുവില്‍ 9.05-ഓടെയാണ് വോട്ടിംഗ് മെഷീനുകള്‍ എണ്ണി തുടങ്ങിയത്. വോട്ടെണ്ണല്‍ തുടങ്ങിയപ്പോള്‍ മുതല്‍ മാണി സി കാപ്പനാണ് ലീഡ് ചെയ്യുന്നത്.

Facebook Comments


ഇവിടെ പോസ്റ്റു ചെയ്യുന്ന അഭിപ്രായങ്ങൾ കേരള ധ്വനി പത്രത്തിന്റേതല്ല . അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനങ്ങൾ ദയവായി ഒഴിവാക്കുക - എഡിറ്റർ

Share Via WhatsApp