കോട്ടയം: കോട്ടയം മെഡിക്കല് കോളജിലെ കെട്ടിടം തകർന്നുണ്ടായ അപകടത്തിൽ കെട്ടിടാവശിഷ്ടങ്ങള്ക്കിടയില് കുടുങ്ങിയ സ്ത്രീ മരിച്ചു. തലയോലപ്പറമ്പ് സ്വദേശിനി ബിന്ദു ആണ് മരിച്ചത്.
56 വയസ്സായിരുന്നു. അപകടമുണ്ടായി രണ്ടര മണിക്കൂറിന് ശേഷമാണ് സ്ത്രീയെ പുറത്തെടുത്തത്. ഉടന് അത്യാഹിത വിഭാഗത്തിലെത്തിച്ചെങ്കിലും ജീവന് രക്ഷിക്കാനായില്ല.
ശുചിമുറിയില് കുളിക്കാന് പോയപ്പോഴായിരുന്നു ബിന്ദു അപകടത്തില്പ്പെട്ടത്. ബിന്ദുവിന്റെ മകൾ ആശുപത്രിയിൽ ചികിത്സയിലായിരുന്നു. തകര്ന്ന കെട്ടിടഭാഗത്ത് ജെസിബി അടക്കം കൊണ്ടുവന്ന് രക്ഷാപ്രവര്ത്തകര് തിരച്ചില് നടത്തുന്നുണ്ട്