കോഴിക്കോട്: ലഹരി മാഫിയക്കെതിരെ പരാതി നല്കിയതിന് ലഹരി വിരുദ്ധ സമിതി അംഗത്തിനു നേരെ ആക്രമണം. കോഴിക്കോട് താമരശേരിയില്
ആണ് സംഭവം.
കട്ടിപ്പാറ സ്വദേശി മുഹമ്മദിനാണ് മര്ദനമേറ്റത്.അക്രമി സംഘത്തിലെ കെ ലിജേഷ് പൊലീസിന്റെ പിടിയിലായിട്ടുണ്ട്. കേസില് മറ്റ് രണ്ട് പേര്ക്കായി തിരച്ചില് തുടരുകയാണ്.
ഇന്നലെ രാത്രിയിലാണ് സംഭവം. പള്ളിയിൽ പോയി മടങ്ങുന്നതിനിടെ മൂന്നുപേര് അടങ്ങുന്ന സംഘമാണ് മുഹമ്മദിനെ ആക്രമിച്ചത്. പരിക്കേറ്റ മുഹമ്മദ് താമരശേരി താലൂക്ക് ആശുപത്രിയില് ചികിത്സയിലാണ്.
ലഹരി മാഫിയ സംഘത്തിലെ അംഗമായിട്ടുള്ള പ്രമോദിന്റെ വീട് കേന്ദ്രീകരിച്ച് ലഹരി വില്പ്പന നടത്തുന്നതായി ലഹരി വിരുദ്ധ സമിതി പൊലീസിന് നല്കിയിരുന്നു.
ഇതിന് പിന്നാലെ പൊലീസ് എത്തി വീട് പരിശോധിക്കുകയും പ്രമോദ് ഉള്പ്പെടെയുള്ളവരെ കസ്റ്റഡിയിലെടുക്കുകയും ചെയ്തിരുന്നു. ഇതിൻ്റെ വൈരാഗ്യത്തിലാണ് ആക്രമണം