കല്പ്പറ്റ: വയനാട് കലക്ടേറ്ററില് റവന്യൂ വകുപ്പില് ക്ലാര്ക്കായി ജോലിയില് പ്രവേശിച്ച് ശ്രുതി.വയനാട് ദുരന്തത്തില് ഉറ്റവരെയും പിന്നീടുണ്ടായ അപകടത്തില് പ്രതിശ്രുത വരനെയും നഷ്ടപ്പെട്ട ശ്രുതി ഇന്നുമുതല് പുതിയ ജീവിതത്തിലേക്ക് പ്രവേശിപ്പിച്ചിരിക്കുകയാണ്.
‘മുന്നോട്ടുള്ള ജീവിതത്തിന് കൈത്താങ്ങായതില് എല്ലാവരോടും സന്തോഷം’ എന്ന് ജോലിയിൽ പ്രവേശിച്ചതിന് പിന്നാലെ ശ്രുതി മാധ്യമങ്ങളോട് പറഞ്ഞു. സര്ക്കാരിനോട് നന്ദിയുണ്ട്, ഓരോരുത്തരുടെയും പേര് എടുത്ത് പറയുന്നില്ല. എല്ലാവരും സഹായിച്ചിട്ടുണ്ട്. എല്ലാവരോടും നന്ദി ഉണ്ട്. വയ്യായ്കയുണ്ടെങ്കിലും ജോലിക്കായി എത്തും. ഇന്ന് രാവിലെ റവന്യൂ മന്ത്രി രാജന് സാര് വിളിച്ച് അഭിനന്ദനം അറിയിച്ചു’- ശ്രുതി പറഞ്ഞു.
രാവിലെ പത്തുമണിയോടെ വയനാട് കലക്ടറേറ്റിലെ എഡിഎമ്മിന്റെ ഓഫീസിലെത്തിയാണ് ശ്രുതി പുതിയ ജോലിയില് പ്രവേശിച്ചത്. ജോലിയില് പ്രവേശിക്കാനായി എത്തിയപ്പോള് ശ്രുതിക്കൊപ്പം സിപിഎം നേതാവ് സികെ ശശീന്ദ്രന്, സിപിഐ ജില്ലാ സെക്രട്ടറി തുടങ്ങി വിവിധ രാഷ്ട്രീയനേതാക്കളും ഒപ്പമുണ്ടായിരുന്നു.