ബംഗളൂരു: ബോളിവുഡ് നടി സണ്ണി ലിയോണിന്റെ ജന്മദിനമായതിനാൽ പരീക്ഷയെഴുതാനാവില്ലെന്ന് ഉത്തരക്കടലാസിൽ കുറിച്ച് ബിരുദ വിദ്യാർത്ഥി. കർണാടക ബംഗളൂരു സർവകലാശാലയുടെ ഒന്നാംവർഷ ബിരുദ കോഴ്‌സിന്റെ ആദ്യ സെമസ്റ്ററിലെ ഹിസ്റ്ററി പരീക്ഷയെഴുതിയ വിദ്യാർഥിയാണ് ഉത്തരങ്ങൾക്കു പകരം സണ്ണി ലിയോണിനെ കുറിച്ച് കുറിച്ചത്.
‘ഇന്ന് സണ്ണി ലിയോണിന്റെ ജന്മദിനമാണ്. സണ്ണി ലിയോൺ എന്റെ കാമുകിയാണ്. അവരുടെ ജന്മദിനമായതിനാൽ ഞാൻ ഇന്ന് പരീക്ഷയെഴുതുന്നില്ല’.-ഉത്തരക്കടലാസിൽ വിദ്യാർഥി കുറിച്ചു. സണ്ണി ലിയോണിന് ആശംസ നേരാൻ കൂട്ടുകാരോട് ആവശ്യപ്പെടുന്നതായും വിദ്യാർത്ഥി പേപ്പറിൽ കുറിച്ചു.
അതേസമയം, ഉത്തരക്കടലാസിന്റെ ബാക്കിഭാഗം ഒന്നുമെഴുതിയില്ല. കഴിഞ്ഞ മേയിൽനടത്തിയ പരീക്ഷയുടെ മൂല്യനിർണയംനടത്തിയ അധ്യാപകനാണ് വിചിത്രമായ ഉത്തരക്കടലാസ് കണ്ടെത്തിയത്. പരീക്ഷയുടെ മൂല്യനിർണയം ഇപ്പോഴാണ് നടക്കുന്നത്.