മുന്മന്ത്രി ഇബ്രാഹിം കുഞ്ഞിന്റെ അറസ്റ്റ് രാഷ്ട്രീയപ്രേരിതമെന്ന് ഉമ്മന് ചാണ്ടി. അഴിമതികളില് നിന്ന് ശ്രദ്ധ തിരിക്കാനുള്ള നീക്കമാണ് സര്ക്കാര് നടത്തുന്നത്. ഇതുകൊണ്ടൊന്നും പ്രതിപക്ഷത്തിന്റെ വായടയ്ക്കാനാവില്ല. ഗുരുതരമായ അഴിമതി നടത്തിയ കമ്പനി ആണെങ്കില് ആ കമ്പനിയെ ബ്ലാക്ക് ലിസ്റ്റ് ചെയ്യണം. പാലാരിവട്ടം പാലം ഇടതുപക്ഷ സര്ക്കാര് നേട്ടമായി പറഞ്ഞിരുന്നെന്നും ഉമ്മന് ചാണ്ടി പറഞ്ഞു.
പാലാരിവട്ടം പാലം അഴിമതിക്കേസില് പൊതുമരാമത്ത് വകുപ്പ് മുന് മന്ത്രി വി കെ ഇബ്രാഹിംകുഞ്ഞിനെ കൊച്ചിയിലെ ലേക്ക് ഷോര് ആശുപത്രിയില് നിന്നാണ് വിജിലന്സ് അറസ്റ്റ് ചെയ്തത്. മുന്കൂര്ജാമ്യാപേക്ഷയുമായി ഇബ്രാഹിംകുഞ്ഞ് ഹൈക്കോടതിയെ സമീപിച്ചേക്കാം എന്ന സൂചനയുടെ അടിസ്ഥാനത്തിലാണ് ആശുപത്രി കിടക്കയില് വച്ചു തന്നെ ഇബ്രാഹിംകുഞ്ഞിനെ വിജിലന്സ് അറസ്റ്റ് ചെയ്തത്. അദ്ദേഹത്തെ ഓണ്ലൈനായി കോടതിയില് ഹാജരാക്കും എന്നാണ് സൂചന.