ഇടുക്കി അടിമാലിയില് യുവതിയെ പീഡിപ്പിക്കാന് ശ്രമിച്ച വൈദികന് അറസ്റ്റില്. അടിമാലിയില് ആയുര്വേദ ആശുപത്രി നടത്തുന്ന ഫാ. റെജി പാലക്കാടന് ആണ് അറസ്റ്റിലായത്.
തിങ്കളാഴ്ചയായിരുന്നു കേസിനാസ്പദമായ സംഭവം നടന്നത്. അറസ്റ്റിലായ വൈദികന്റെ ആയുര്വ്വേദ ആശുപത്രിയില് അടിമാലി സ്വദേശിയായ യുവതി ചികിത്സ തേടിയാണ് എത്തിയത്. എന്നാല് ഡോക്ടറായ വൈദികന് ഇവിടെ വച്ച് യുവതിയെ പീഡിപ്പിക്കാന് ശ്രമിച്ചതായണ് പൊലീസ് നല്കുന്ന വിവരം.
വീട്ടിലെത്തിയ ശേഷം യുവതി ഈ വിവരം മാതാപിതാക്കളെ അറിയിച്ചു. തുടര്ന്ന് ആശുപത്രിയില് എത്തി വൈദികനോട് ഇക്കാര്യം ആരാഞ്ഞു. ഇതിന് ശേഷമാണ് ഇരുകൂട്ടരേയും സ്റ്റേഷനിലെത്തിച്ചത്. പെണ്കുട്ടി നല്കിയ മൊഴിയുടെ അടിസ്ഥാനത്തില് വൈദികനെതിരെ കേസ് രജിസ്റ്റര് ചെയ്യുകയായിരുന്നുവെന്ന് അടിമാലിപോലീസ് വ്യക്തമാക്കി. വൈദികനെ ഉച്ചയ്ക്ക് ശേഷം കോടതിയില് ഹാജരാകും.