പ്രസവം കഴിഞ്ഞ് കോട്ടയം മെഡിക്കൽ കോളജിൽ നിന്നും എത്തിയവരെ വീട്ടിൽ കയറ്റാതെ നാട്ടുകാർ; അവസാനം രക്ഷയായത് നവജീവൻ തോമസ് ചേട്ടൻ

കോ​ട്ട​യം: കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​​ൽ നി​ന്ന് പ്ര​സ​വ ശേഷം ഡി​സ്ചാ​ർ​ജ് ചെ​യ്ത​ശേ​ഷം ന​വ​ജാ​ത ശി​ശു​വു​മാ​യെ​ത്തി​യ യു​വ​തി​യേ​യും 12 വ​യ​സു​ള്ള കു​ട്ടി​യേ​യും, യു​വ​തി​യു​ടെ മാ​താ​വി​നേ​യും, താ​മ​സി​ച്ചി​രു​ന്ന കോളനിയിൽ ക​യ​റാ​ൻ അ​നു​വ​ദി​ച്ചി​ല്ല. ക​ഴി​ഞ്ഞ ദി​വ​സമാണ് ഇ​വ​ർ ആ​ണ്‍ ക​ഞ്ഞി​ന് ജ​ന്മം ന​ൽ​കിയത്.

ഇ​വ​ർ പ്ര​സ​വ ചി​കി​ത്സ​യ്ക്കാ​യാണ് കോ​ട്ട​യം മെ​ഡി​ക്ക​ൽ കോ​ള​ജി​ൽ എ​ത്തി. കഴിഞ്ഞ ദിവസം ഇ​വ​രു​ടെ ഭ​ർ​ത്താ​വ് ഉ​പേ​ക്ഷി​ച്ചു പോ​യി. മെ​ഡി​ക്ക​ൽ കോ​ള​ജി​ൽ, ഇ​വ​രോ​ടൊ​പ്പം 12 വ​യ​സു​ള്ള മ​ക​ളും മാ​താ​വും മാ​ത്ര​മാ​ണ് ഉ​ണ്ടാ​യി​രു​ന്ന​ത്.

മൂ​ന്നു ദി​വ​സം മു​ന്പു മെ​ഡി​ക്ക​ൽ കോ​ള​ജി​ൽ നി​ന്ന് ഡി​സ്ചാ​ചാ​ർ​ജ് ചെ​യ്തെ​ങ്കി​ലും നാ​ട്ടി​ലേ​ക്ക് മ​ട​ങ്ങാ​ൻ മാ​ർ​ഗ​മി​ല്ലാ​താ​യി. വി​വ​ര​മ​റി​ഞ്ഞ ആശുപത്രി ജീവനക്കാരിൽ ചിലർ ന​വ​ജീ​വ​ൻ ട്ര​സ്റ്റി പി.​യു. തോ​മ​സി​നെ അ​റി​യി​ച്ചു.

അ​ദ്ദേ​ഹം ഇ​ന്ന​ലെ മെ​ഡി​ക്ക​ൽ കോ​ള​ജി​ലെ​ത്തി ഇ​വ​ർ​ക്ക് ആ​വ​ശ്യ​മാ​യ അ​രി​യും പ​ല​വ്യ​ഞ്ജ​ന​ങ്ങ​ളും മ​രു​ന്നും വാ​ങ്ങി ന​ല്കി ഇ​ന്ന​ലെ വൈ​കു​ന്നേ​ര​ത്തോ​ടെ ആ​ലു​വ ശ്രീ​മൂ​ല ന​ഗ​ര​ത്തി​ലെ ഇ​വ​ർ താ​മ​സി​ക്കു​ന്ന കോളനിയിൽ എ​ത്തി​ച്ചു. എ​ന്നാ​ൽ കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ നി​ന്നെ​ത്തി​യ​വ​രാ​ണ് എ​ന്ന പേ​രി​ൽ ഇ​വ​രെ താമസിപ്പിക്കുന്നതിന് കോളനി നിവാസികൾ എതിർത്തു .

വി​വ​രം അ​റി​ഞ്ഞ് ഫാ​ക്ട​റി ഉ​ട​മ സ്ഥ​ല​ത്തെ​ത്തു​ക​യും വാ​ർ​ഡം​ഗം കെ.​പി. അ​നൂ​പി​നെ സം​ഭ​വം അ​റി​യി​ക്കു​ക​യും ചെ​യ്തു. അ​നൂ​പ് എ​ത്തി ആ​രോ​ഗ്യ പ്ര​വ​ർ​ത്ത​ക​രെ വി​വ​രം അ​റി​യി​ച്ച് ശ്രീ ​മൂ​ല​ന​ഗ​രം സ​ർ​ക്കാ​ർ എ​ൽ​പി സ്കൂ​ളി​ൽ രാ​ത്രി ക​ഴി​ഞ്ഞു​കൂ​ടു​ന്ന​തി​ന് അ​വ​സ​രം ഒ​രു​ക്കി.

ഇവർക്ക് ഒരു വാടക വീട് ഏർപ്പെടുത്തി കൊടുക്കാനുള്ള ശ്രെമമാണ് അധികൃതർ നടത്തുന്നതെന്നാണ് അറിയുവാൻ കഴിയുന്നത്.