തിരുവനന്തപുരം: പിഎം ശ്രീ പദ്ധതിയുടെ കരാറില് നിന്ന് പിന്നോട്ടുപോകാന് കഴിയാത്ത സാഹചര്യമെന്ന് മന്ത്രിസഭാ ഉപസമിതിയുടെ വിലയിരുത്തല്. വകുപ്പുതല രേഖകള് പഠിച്ചശേഷമാണ് എന് ഷംസുദ്ദീന്, എം ലിജു, റോജി എം ജോണ്, പി സി വിഷ്ണുനാഥ് എന്നിവരടങ്ങിയ സമിതിയുടെ വിലയിരുത്തല്.
സിലബസ്, സ്കൂള് തെരഞ്ഞെടുപ്പ് തുടങ്ങിയ വിഷയങ്ങളില് രേഖകള് പഠിച്ച ശേഷം സമിതി വീണ്ടും യോഗം ചേരും. യുഡിഎഫിന്റെ അന്തിമ നിലപാട് കൂടി അറിഞ്ഞ ശേഷമാകും ഉപസമിതി സര്ക്കാരിന് റിപ്പോര്ട്ട് സമര്പ്പിക്കുക. മുന്നോട്ടു പോവുകയാണെങ്കില് ഇക്കാര്യം ജനങ്ങളെ ബോധ്യപ്പെടുത്താന് കഴിയണമെന്ന് ഉപസമിതി വ്യക്തമാക്കിയിട്ടുണ്ട്.