പത്തനംതിട്ട: മൂന്നാമത്തെ ബലാത്സംഗക്കേസില് ജയിലിലുള്ള രാഹുല് മാങ്കൂട്ടത്തില് എംഎല്എയുടെ ജാമ്യാപേക്ഷ പത്തനംതിട്ട സെഷന്സ് കോടതി ഇന്ന് പരിഗണിക്കും. പൊലീസ് റിപ്പോര്ട്ട് കൂടി ലഭിച്ചശേഷമാകും ജാമ്യാപേക്ഷയില് വാദം കേള്ക്കുക. കോട്ടയം സ്വദേശിനിയെ തിരുവല്ലയിലെ ഹോട്ടലില് വിളിച്ചുവരുത്തി ബലാത്സംഗം ചെയ്ത കേസില് കഴിഞ്ഞ 11നാണ് രാഹുല് റിമാന്ഡിലായത്.
50 ലക്ഷം കടന്നു; ക്രിസ്മസ്- പുതുവത്സര ബംപര് ടിക്കറ്റിന് റെക്കോര്ഡ് വില്പ്പന
തിരുവല്ല മജിസ്ട്രേറ്റ് കോടതി കഴിഞ്ഞദിവസം രാഹുലിന് ജാമ്യം നിഷേധിച്ചിരുന്നു. തുടര്ന്നാണ് സെഷന്സ് കോടതിയെ സമീപിച്ചത്. ജാമ്യം തള്ളിയുള്ള മജിസ്ട്രേറ്റ് കോടതി ഉത്തരവ് രാഹുലിന് പ്രതികൂലം ആകാന് ആണ് സാധ്യത. ആദ്യ കേസിലെ പരാതിക്കാരി ഹൈക്കോടതിയില് കഴിഞ്ഞ ദിവസം സമര്പ്പിച്ച സത്യവാങ്മൂലം ഉള്പ്പെടെ ചൂണ്ടിക്കാട്ടി ജാമ്യ ഹര്ജിയെ എതിര്ക്കാന് ആണ് പ്രോസിക്യൂഷന് നീക്കം.