വട്ടിയൂര്ക്കാവിലെ സി.പി.എം- ഡി.വൈ.എഫ്.ഐ സംഘര്ഷത്തില് രണ്ട് ഡി.വൈ.എഫ്.ഐ ഏരിയ കമ്മിറ്റി അംഗങ്ങളെ പാര്ട്ടി ലോക്കല് കമ്മിറ്റിയില് നിന്ന് സസ്പെന്ഡ് ചെയ്തു. ഡി.വൈ.എഫ്.ഐ പാളയം ബ്ലോക്ക് ജോയിന്റ് സെക്രട്ടറി രാജീവ്, വൈസ് പ്രസിഡന്റ് നിയാസ് എന്നിവരെയാണ് ആറു മാസത്തേക്ക് സസ്പെന്ഡ് ചെയ്തത്.
പാളയം ഏരിയാ സെക്രട്ടറി സി. പ്രസന്നകുമാര് പങ്കെടുത്ത യോഗത്തിലാണ് തീരുമാനം. വിഷയം അന്വേഷിക്കാന് പാര്ട്ടി കമ്മിഷനെ നിയോഗിച്ചിട്ടുണ്ട്.
വട്ടിയൂര്കാവില് സി.പി.എം ബ്രാഞ്ച് കമ്മിറ്റി ഓഫീസാണ് ഡി.വൈ.എഫ്.ഐ പ്രവര്ത്തകര് കഴിഞ്ഞ ദിവസം അടിച്ചു തകര്ത്തത്. സി.പി.എം. നെട്ടയം ലോക്കല് കമ്മിറ്റിക്കു കീഴിലെ മേലത്തുമേലെ ബ്രാഞ്ച് കമ്മിറ്റി ഓഫീസിനു നേരെയായിരുന്നു ആക്രമണം.
ഞായറാഴ്ച രാത്രി ഏഴരയോടെയായിരുന്നു സംഭവം. സോഷ്യല് മീഡിയ പോസ്റ്റുമായി ബന്ധപ്പെട്ട തര്ക്കമാണ് അക്രമത്തില് കലാശിച്ചതെന്നായിരുന്നു പൊലീസിന്റെ വിശദീകരണം.