കൊച്ചി: കോട്ടയത്തുണ്ടൊരു കഞ്ചാവ് അച്ചാർ. അച്ചാറിന്റെ കുപ്പിയിൽ ഖത്തറിലേക്കു കഞ്ചാവ് കടത്താൻ ശ്രമം. കഞ്ചാവുമായി 3 യുവാക്കളെ എറണാകുളം എക്സൈസ് ഇൻസ്പെക്ടർ എസ്. ടെനിമോന്റെ നേതൃത്വത്തിൽ പിടികൂടി. കഞ്ചാവ് പ്ലാസ്റ്റിക് കവറിലാക്കി, കാർബൺ പേപ്പർ കൊണ്ടു പൊതിഞ്ഞ ശേഷം അച്ചാർ കുപ്പിയിൽ അടച്ചു ഭദ്രമാക്കിയ നിലയിലായിരുന്നു. ഖത്തറിലേക്കു പാഴ്സൽ അയയ്ക്കാൻ കുറിയർ ഏജൻസിയിലെത്തിയ ഇവരെ എക്സൈസ് സംഘം കസ്റ്റഡിയിലെടുക്കുകയായിരുന്നു.
കോട്ടയം വൈക്കം കുലശേഖരമംഗലംസ്വദേശി അനന്തു (18), വെള്ളൂർ സ്വദേശി അഭിജിത് (18), ചേർത്തല സ്വദേശി ആൽബി വർഗീസ് (20) എന്നിവരാണു പിടിയിലായത്.