നടി ആക്രമിക്കപ്പെട്ട കേസില് ദിലീപിന്റെ ജാമ്യം റദ്ദാക്കണമെന്ന ഹര്ജി വിചാരണക്കോടതിയില് ഇന്ന് വീണ്ടും വാദം തുടരും. ജാമ്യം റദ്ദാക്കണമെന്നതില് വാദിഭാഗത്തിന്റെയും പ്രതിഭാഗത്തിന്റെയും വാദമാണ് ഇന്ന് കോടതിയില് നടക്കുക. കേസില് ബാലചന്ദ്രകുമാര് ഹാജരാക്കിയ പെന് ഡ്രൈവിന്റെ ശാസ്ത്രീയ പരിശോധന ഫലം സംബന്ധിച്ച് കൂടുതല് വ്യക്തത വേണമെന്ന കോടതി നിര്ദ്ധേശത്തില് പ്രോസിക്യൂഷന് മറുപടി നല്കും. പ്രോസിക്യൂഷന് വാദം ബാലിശമാണെന്നാണ് പ്രതിഭാഗത്തിന്റെ ആരോപണം.
നടി അക്രമിച്ച കേസില് ദിലീപിന്റെ ജാമ്യം റദ്ധാക്കണമെന്ന് ആവശ്യപ്പെട്ടാണ് പ്രോസിക്യൂഷന് വിചാരണ കോടതിയെ സമീപിച്ചത്. തുടരന്വേഷണത്തിന്റെ ഭാഗമായി അന്വേഷണ സംഘം കണ്ടെത്തിയ തെളിവുകളുടെ അടിസ്ഥാനത്തിലായിരുന്നു പ്രോസിക്യൂഷന് നീക്കം.
കേസില് സാക്ഷികളെ സ്വാധീനിക്കാനടക്കം ദിലീപ് നീക്കം നടത്തിയെന്നാണ് പ്രോസിക്യൂഷന് ആരോപണം.ദിലീപിന്റെ ഉള്പ്പെടെ ഉളളവരുടെ ഫോണില് നിന്ന് കണ്ടെത്തിയ ശബ്ദ രേഖകള് അടക്കം കോടതിയില് പ്രോസിക്യൂഷന് കോടതിയില് ഹാജരാക്കിയിരുന്നു. പ്രോസിക്യൂഷന് തെളിവുകള് കെട്ടിച്ചമച്ചതെന്നായിരുന്നു പ്രതിഭാഗത്തിന്റെ മറുപടി.
ദിലീപിന് എതിരെയുള്ള നീക്കം ഉദ്യോഗസ്ഥരുടെ വൈര്യാഗ്യത്തിന്റെ ഭാഗമെന്നുമാണ് പ്രതിഭാഗം കോടതിയില് വാദിച്ചത്. പ്രോസിക്യൂഷന് ഹാജരാക്കിയ രേഖകളുടെ ആധികാരത പരിശോധിക്കണമെന്നും പ്രതിഭാഗം കോടതിയില് ആവശ്യപ്പെട്ടിട്ടുണ്ട്. ബാലചന്ദ്രകുമാര് ഹാജരാക്കിയ പെന് ഡ്രൈവിന്റെ ശാസ്ത്രീയ പരിശോധന ഫലം സംബന്ധിച്ച് വ്യക്തത വേണമെന്ന കോടതി നിര്ദ്ധേശത്തില് പ്രോസിക്യൂഷന് കോടതിയില് മറുപടി നല്കും.