കെ.എസ്.ആര്.ടി.സിയുടെ ബഡ്ജറ്റ് ടൂറിസത്തിന്റെ ഭാഗമായി 11, 12 തീയതികളില് നടത്തുന്ന പ്രമുഖ വിനോദ സഞ്ചാര കേന്ദ്രങ്ങളിലേക്കുളള യാത്രയുടെ ബുക്കിംഗ് കൊല്ലം ഡിപ്പോയില് ആരംഭിച്ചു. 11ന് പുലര്ച്ചെ 5.10ന് കൊല്ലത്ത് നിന്ന് ആരംഭിക്കുന്ന യാത്ര വാഗമണ്, ഇടുക്കി, ചെറുതോണി ഡാം വഴി മൂന്നാറിലെത്തും.
ഇതേ സമയത്തുതന്നെ കാറ്റാടിമല, ഒരിയൂര് വഴിയുള്ള വേളാങ്കണി തീര്ത്ഥയാത്രയ്ക്കും തുടക്കമാകും. മാത്രമല്ല 11, 12 തീയതികളില് രാവിലെ 6ന് പൊന്മുടിയിലേക്കും 7ന് റോസ് മല, തെന്മല, പാലരുവി എന്നിവിടങ്ങളിലേക്കും ഉല്ലാസയാത്രാ ബസുകള് പുറപ്പെടും.
യാത്രക്കാരെ കുറഞ്ഞ ചെലവില് വിനോദ സഞ്ചാര കേന്ദ്രങ്ങളില് എത്തിക്കുന്ന പദ്ധതിയുടെ ഭാഗമായാണ് കെഎസ്ആര്റ്റിസി വിവിധ ട്രിപ്പുകള് നടത്തുന്നത്. ബുക്കിംഗിനായി ബന്ധപ്പെടേണ്ട ഫോണ് നമ്പറുകള്: 8921950903, 9447721659, 8921552722, 9496675635, 7012669689.