കുറഞ്ഞ ചെലവില് ടൂറിസ്റ്റ് കേന്ദ്രങ്ങളില് താമസിക്കാന് പ്രീമിയം മണ്സൂണ് പാക്കേജുമായി ടൂറിസം വകുപ്പ്. ഇന്ന് മുതല് ആരംഭിക്കുന്ന കെടിഡിസിയുടെ മണ്സൂണ് പാക്കേജ് ഉപയോഗിച്ച് ഇനി ബഡ്ജെറ്റിലൊതുങ്ങുന്ന യാത്രകള് പോകാം.
കേരളത്തിലെ ഏറ്റവും വലിയ ഹോട്ടല് ശൃംഖലയാണ് കേരള ടൂറിസം ഡെവലപ്പ്മെന്റ് കോര്പ്പറേഷന്റേത്. അതുകൊണ്ട് തന്നെ സഞ്ചാരികളുടെ ഇഷ്ടകേന്ദ്രങ്ങളിലെല്ലാം കെടിഡിസിയുടെ ആകര്ഷകമായ ഹോട്ടലുകളുണ്ട്. മണ്സൂണ് ടൂറിസം ആസ്വദിക്കാനെത്തുന്ന സഞ്ചാരികളെ ഇവിടേക്ക് ആകര്ഷിക്കുകയാണ് മണ്സൂണ് പാക്കേജിലൂടെ ടൂറിസം വകുപ്പ് ലക്ഷ്യമിടുന്നത്.
ജൂണ് 1 മുതല് സെപ്തംബര് 30 വരെയാണ് മണ്സൂണ് പാക്കേജ് ലഭിക്കുക. കെടിഡിസിയുടെ പ്രീമിയം ഡെസ്റ്റിനേഷന് റിസോര്ട്ടുകളായ തിരുവനന്തപുരത്തെ മസ്കറ്റ് ഹോട്ടല്, തേക്കടിയിലെ ആരണ്യനിവാസ്, കുമരകത്തെ വാട്ടര് സ്കേപ്സ്, മൂന്നാറിലെ ടീ കൗണ്ട്, കൊച്ചിയിലെ ബോള്ഗാട്ടി പാലസ് എന്നിവിടങ്ങളില് കുറഞ്ഞ ചെലവില് താമസിക്കാം.
ബഡ്ജറ്റ് ഡെസ്റ്റിനേഷന് റിസോര്ട്ടുകളായ തേക്കടിയിലെ പെരിയാര് ഹൗസ്, തണ്ണീര്മുക്കത്തെ സുവാസം, കുമരകം ഗേറ്റ് വേ റിസോര്ട്ട്, പൊന്മുടിയിലെ ഗോള്ഡന് പീക്ക്, മലമ്പുഴയിലെ ഗാര്ഡന് ഹൗസ്, എന്നിവിടങ്ങളും നിലമ്പൂരിലെയും മണ്ണാര്ക്കാട്ടെയും ടാമറിന്റ് ഈസി ഹോട്ടലുകളിലും മണ്സൂണ് പാക്കേജിന്റെ ഭാഗമായി കുറഞ്ഞ ചെലവില് താമസിക്കാന് സാധിക്കും.
ഓണക്കാലത്തും വെള്ളി, ശനി, മറ്റ് അവധി ദിവസങ്ങളില് പൊന്മുടിയിലെ ഗോള്ഡന് പീക്കിലും ഈ പാക്കേജ് ലഭ്യമായിരിക്കില്ല. അതുകൊണ്ട് മണ്സൂണ് പാക്കേജ് പ്രയോജനപ്പെടുത്തി ഇപ്പോള് തന്നെ ഒരു യാത്ര പോകാം.
കൂടുതല് വിവരങ്ങള്ക്ക് www.ktdc.com/packages സന്ദര്ശിക്കുകയോ, 0471 2316736, 2725213, 9400008585 എന്ന നമ്പറില് ബന്ധപ്പെടുകയോ ചെയ്യാം.