തൃക്കാക്കര ഉപതെരഞ്ഞെടുപ്പിനോട് അനുബന്ധിച്ച് യുഡിഎഫിനെതിരെ പരാതിയുമായി മണ്ഡലത്തിലെ സ്വതന്ത്ര സ്ഥാനാര്ത്ഥി ബോസ്കോ കളമശേരി. യുഡിഎഫ് സ്ഥാനാര്ത്ഥി ഉമ തോമസിന് ഏറ്റവും കൂടുതല് വോട്ട് നല്കുന്ന ബൂത്തിന് 25001 രൂപ പാരിതോഷികം നല്കുമെന്ന് പരസ്യത്തിന് എതിരെയാണ് പരാതി. കോണ്ഗ്രസിന്റെ പ്രവാസി സംഘടനയായ ഇന്കാസിന്റെ പേരിലായിരുന്നു പ്രഖ്യാപനം.
ഇങ്ങനെ ബൂത്തിന് 25001 രൂപ കൊടുക്കുമെന്നുള്ള കാര്ഡ് സാമൂഹിക മാധ്യമങ്ങള് വഴി വ്യാപകമായി പ്രചരിപ്പിച്ചിരുന്നു. ഇതിനെതിരെയാണ് പരാതി. പണം കൊടുത്ത് വോട്ട് വാങ്ങാനുള്ള നീക്കമാണിതെന്നാണ് ബോസ്കോയുടെ പരാതി. ഉമ തോമസിനെതിരെ പൊലീസിലും തെരഞ്ഞെടുപ്പ് കമ്മിഷനുമാണ് പരാതി നല്കിയത്. ഉമയുടെ സ്ഥാനാര്ത്ഥിത്വം റദ്ദാക്കണമെന്നാണ് പരാതിയിലെ പ്രധാന ആവശ്യം.