നേതൃത്വത്തിന്റെ തീരുമാനം ലംഘിച്ച് സിപിഎം പാര്ട്ടി കോണ്ഗ്രസില് കെ.വി. തോമസ് പങ്കെടുക്കുന്നത് ശരിയല്ലെന്ന് കെ. മുരളീധരന് എം.പി. കുത്തിത്തിരുപ്പ് ഉണ്ടാക്കാനാണ് സിപിഎമ്മിന്റെ ശ്രമം. ഈ പ്രായത്തില് ഇങ്ങനെ ഒരു വേഷം കെട്ടണോ എന്ന് ആലോചിക്കേണ്ടത് കെ.വി. തോമസ് ആണ്.
എന്നാല് ഇതിന്റെ പേരില് കെ.വി. തോമസിനെ അപമാനിക്കുന്നതിനോട് യോജിപ്പില്ലെന്നും പാര്ട്ടിയില് അദ്ദേഹത്തിനുണ്ടായ മനോവിഷമങ്ങള് പരിഹരിക്കുന്നതില് നേതൃത്വത്തിന് വീഴ്ച്ച പറ്റിയിട്ടുണ്ടാകാമെന്നും കെ. മുരളീധരന് കോഴിക്കോട് പറഞ്ഞു.