തിരുവനന്തപുരം: കേരളത്തിൽ കൊറോണ വൈറസ് ബാധ സ്ഥിരീകരിച്ച സാഹചര്യത്തിൽ ജാഗ്രത പാലിക്കണമെന്ന് മുഖ്യമന്ത്രി പിണറായി വിജയൻ പറഞ്ഞു. നിലവിൽ ആശങ്കപ്പെടാനുള്ള സാഹചര്യമില്ല. ആവശ്യമായ എല്ലാ മുൻകരുതൽ നടപടികളും ആരോഗ്യ വകുപ്പ് സ്വീകരിച്ചതായും മുഖ്യമന്ത്രി അറിയിച്ചു.
ജനങ്ങളെ ഭയപ്പെടുത്തുന്ന തരത്തിലുള്ള വാർത്തകൾ പ്രചരിപ്പിക്കുന്നത് ഒഴിവാക്കണം. രോഗലക്ഷണങ്ങൾ ശ്രദ്ധയിൽ പെടുന്നവരോ, ചൈനയിൽ കഴിഞ്ഞ ദിവസങ്ങളിൽ യാത്ര ചെയ്തവരോ ഉണ്ടെങ്കിൽ എത്രയും പെട്ടെന്ന് അടുത്തുള്ള ആരോഗ്യ കേന്ദ്രവുമായി ബന്ധപ്പെടണമെന്നും മുഖ്യമന്ത്രി അറിയിച്ചു.