മാങ്ങാനം: സ്‌കൂൾ ജംക്ഷനിൽ ഓടിക്കൊണ്ടിരുന്ന ഓട്ടോ റിക്ഷയിൽ നിന്ന് തീയും പുകയും ഉയർന്നത് നാട്ടുകാരിൽ പരിഭ്രാന്തി പരാതി. ഇന്ന് വൈകിട്ട് 6 മണിയോടെയായിരുന്നു സംഭവം. മാങ്ങാനം സ്‌കൂൾ ജങ്ഷന് സമീപമുള്ള സ്കൈലൈൻ ഫ്‌ളാറ്റിന് മുൻവശത്തു വെച്ചാണ് ഓട്ടോയിൽ വലിയ തോതിൽ തീയും പുകയും വ്യാപിച്ചത്.
പുതുപ്പള്ളിയിൽ നിന്ന് കോട്ടയത്തേക്ക് പോകുകയായിരുന്ന ഓട്ടോയിലാണ് തീയും പുകയും വ്യാപിച്ചത് . വാഹനത്തിന്റെ ഓയിലിൽ തീ പടർന്നതാണ് പുക വ്യാപിക്കാൻ കാരണമായത്. റോഡിൽ പടർന്ന പുക മൂലം വാഹനങ്ങൾ ബ്ലോക്കിൽ പെടുകയും ചെയ്തു. എന്നാൽ ഓടിക്കൂടിയ നാട്ടുകാരുടെ ശ്രെമഫലമായി തീയും പുകയും നിയന്ത്രണ വിധേയമാക്കി. ആളപായമില്ല .