ദിലീപിന്റെ അഭിഭാഷകന് അഡ്വ. ബി രാമന് പിള്ളക്കെതിരെ ആക്രമിക്കപ്പെട്ട നടി ബാര് കൗണ്സിലില് പരാതി നല്കി. സാക്ഷിയെ സ്വാധീനിക്കാന് ബി രാമന് പിള്ള ശ്രമിച്ചെന്നാണ് പരാതി. തെളിവ് നശിപ്പിക്കാന് കൂട്ടു നിന്നെന്നും പരാതിയില് പറയുന്നു. അഭിഭാഷകരായ ഫിലിപ് ടി വര്ഗീസ്, സുജേഷ് മേനോന് എന്നിവര്ക്കെതിരെയും നടി പരാതി നല്കി.
അഭിഭാഷകന്റെ ഓഫീസില് വെച്ച് ഫോണിലെ തെളിവുകള് നശിപ്പിക്കാന് പ്രതികള്ക്ക് സഹായം ചെയ്തു, അഭിഭാഷകര് നേരിട്ട് സാക്ഷികളെ സ്വാധീനിക്കാന് ശ്രമം നടത്തി തുടങ്ങിയ പരാതികളാണ് നടി ഉന്നയിച്ചത്. ബാര് കൗണ്സില് അഭിഭാഷകര്ക്കെതിരെ നടപടിയെടുക്കണം എന്നാണ് പരാതിയിലെ ആവശ്യം.
നേരത്തെ ബി രാമന്പിള്ളയ്ക്ക് ക്രൈംബ്രാഞ്ച് നോട്ടീസ് നല്കിയിരുന്നു. ഇതിനെതിരെ അഭിഭാഷകര് തന്നെ രംഗത്തു വന്നു. ഇത്തരത്തില് അന്വേഷണ ഉദ്യോഗസ്ഥര് നോട്ടീസ് നല്കുന്നത് അംഗീകരിക്കാനാവില്ലെന്ന് പറഞ്ഞ് ഹൈക്കോടതി അഭിഭാഷകര് പ്രതിഷേധിച്ചിരുന്നു.