പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച കേസില് ഫോര്ട്ട് കൊച്ചിയിലെ നമ്പര് 19 ഹോട്ടലുടമ റോയ് വയലാറ്റിന്റെ മുന്കൂര് ജാമ്യാപേക്ഷ ഹൈക്കോടതി തള്ളി. രണ്ടാം പ്രതി സൈജു തങ്കച്ചന്ന്റെ മുന്കൂര് ജാമ്യാപേക്ഷയും തള്ളി. അതേസമയം മൂന്നാം പ്രതി അഞ്ജലി റിമാ ദേവിന് കോടതി കര്ശന ഉപാധികളോടെ ജാമ്യം അനുവദിച്ചു.
വയനാട് സ്വദേശിനിയായ പ്രായപൂര്ത്തിയാകാത്ത പെണ്കുട്ടിയെ നമ്പര് 18 ഹോട്ടലിലെത്തിച്ച ബലാത്സംഗത്തിന് ശ്രമിച്ചു എന്നാണ് പ്രതികള്ക്കെതിരായ കേസ്. ആദ്യ രണ്ടു പ്രതികളെ കസ്റ്റഡിയില് ചോദ്യം ചെയ്യേണ്ടതുണ്ടെന്ന പ്രോസിക്യൂഷന് വാദം അംഗീകരിച്ചാണ് നടപടി. കൊച്ചിയില് മുന് മിസ് കേരള അടക്കം വാഹാനപകടത്തില് മരിച്ച സംഭവത്തിലും റോയി വയലാട്ടിലും സൈജു തങ്കച്ചനും പ്രതികളാണ്.
തങ്ങള്ക്ക് എതിരായ പരാതി ബ്ലാക് മെയിലിങ്ങിന്റെ ഭാഗമാണെന്നും 3 മാസം കഴിഞ്ഞാണ് പെണ്കുട്ടിയും അമ്മയും പരാതി നല്കിയതെന്നത് അതിന്റെ തെളിവാണെന്നുമാണ് പ്രതികള് കോടയില് വാദിച്ചത്. കേസ് കെട്ടിച്ചമച്ചതാണെന്നും പ്രതികള് ആവര്ത്തിച്ചു. എന്നാല് ഇത് കണക്കിലെടുതിരുന്ന കോടതി പ്രതികളെ കസ്റ്റഡിയില് ചോദ്യം ചെയ്യേണ്ടതുണ്ടെന്ന പ്രോസിക്യൂഷന് വാദം അംഗീകരിക്കുകയായിരുന്നു.
അന്വേഷണം പ്രാഥമിക ഘട്ടത്തിലാണെന്നും ഈ സാഹചര്യത്തില് പ്രതികള്ക്ക് ജാമ്യം അനുവദിക്കാനാകില്ലെന്നും ജസ്റ്റിസ് പി.ഗോപിനാഥ് വ്യക്തമാക്കി.