പതിമൂന്ന് വനിതകളാണ് ഇത്തവണ സംസ്ഥാന സമിതിയില് ഇടംപിടിച്ചിരിക്കുന്നത്. ഇതില് മൂന്ന് പേര് പുതുമുഖങ്ങളാണ്. കെ.എസ്. സലീഖ, കെ.കെ ലതിക, ചിന്ത ജെറോം എന്നിവരാണ് പുതുതായി സംസ്ഥാമ സമിതിയില് പുതുതായി എത്തിയവര്.
പി.കെ. ശ്രീമതി, എം.സി ജോസഫൈന്, കെ.കെ ശൈലജ, സതീദേവി, പി.കെ. സൈനബ, കെ.പി മേരി, സി.എസ്. സുജാത, ജെ. മേഴ്സിക്കുട്ടിയമ്മ, സൂസന് കോടി ടി.എന്. സീമ എന്നിവര് സംസ്ഥാന സമിതിയില് തുടരും. പി.കെ. ശ്രീമതി സംസ്ഥാന സെക്രട്ടേറിയറ്റിലും ഉള്പ്പെട്ടിട്ടുണ്ട്.
89 അംഗ സംസ്ഥാന സമിതിയെയാണ് സംസ്ഥാന സമ്മേളനം തെരഞ്ഞെടുത്തത്. പ്രായപരിധി കണക്കിലെടുത്ത് സിപിഐഎം സംസ്ഥാന സമിതിയില് നിന്ന് 13 പേരെ ഒഴിവാക്കി. മുഖ്യമന്ത്രി പിണറായി വിജയന് ഒഴികെ 75 വയസ് പിന്നിട്ടവരെയാണ് ഒഴിവാക്കിയത്. മുഖ്യമന്ത്രി എന്ന നിലയ്ക്ക് പിണറായി വിജയന് പ്രത്യേക ഇളവ് നല്കുകയായിരുന്നു. 89 അംഗ സംസ്ഥാന സമിതിയേയും സംസ്ഥാന സമ്മേളനം തെരഞ്ഞെടുത്തു. ഡിവൈഎഫ്ഐ ദേശീയ പ്രസിഡന്റ് എ.എ. റഹിം, സംസ്ഥാന യുവജന കമ്മിഷന് അധ്യക്ഷ ചിന്താജെറോം, എസ്എഫ്ഐ അഖിലേന്ത്യ പ്രസിഡന്റ് വി.പി. സാനു, പനോളി വല്സന്, രാജു എബ്രഹാം, കെ.അനില് കുമാര്, പി.ശശി, കെ.എസ്.സലീഖ, ഒ.ആര്.കേളു, വി.ജോയി എന്നിവരെ ഉള്പ്പെടുത്തി. മന്ത്രി ആര്. ബിന്ദു ക്ഷണിതാവ്. എം. സ്വരാജ്, സജി ചെറിയാന്, വി.എന്. വാസവന് എന്നിവരെ സംസ്ഥാന സെക്രട്ടേറിയറ്റിലും ഉള്പ്പെടുത്തി.
സിപിഐഎം സംസ്ഥാന സെക്രട്ടറിയായി മൂന്നാംവട്ടവും കോടിയേരി ബാലകൃഷ്ണനെ സിപിഐഎം സംസ്ഥാന സമ്മേളനം ഐക്യകണ്ഠേന തെരഞ്ഞെടുത്തു. ആരോഗ്യ പ്രശ്നങ്ങള് ഉണ്ടെങ്കിലും അവയെ അതിജീവിച്ച് പാര്ട്ടിയെ നയിക്കാന് കോടിയേരിക്ക് കഴിയുമെന്നതും നിലവിലെ രാഷ്ട്രീയ സാഹചര്യത്തില് പുതിയ ഒരാളെ ആ സ്ഥാനത്തേക്ക് എത്തിക്കുന്നത് പാര്ട്ടി പ്രവര്ത്തനങ്ങളെയും ഏറ്റെടുത്ത ക്യാമ്പയിനുകളെയും ബാധിക്കുമെന്നതിനാലുമാണ് കേന്ദ്ര കമ്മിറ്റി ഈ തീരുമാനത്തിലേക്ക് എത്തിയത്.